សារដ៏គួរឲ្យចាប់អារម្មណ៍នៅលើ Twitter ស្ថាបនិកវ័យ ៥០ឆ្នាំរបស់ Tesla បានឆ្លើយតបទៅមេទ័ពឆេឈិនថា លោកអាចប្រើតែដៃមួយប៉ុណ្ណោះដើម្បីផ្ដួលមេដឹកនាំរបស់រុស្សី ឲ្យដេកបាន។
កាលពីថ្ងៃច័ន្ទ ១៤ មីនា មហាសេដ្ឋីបច្ចេកវិទ្យា Elon Musk បានប្រកាសម្ដងរួចមកហើយពីចេតនា វាយ១ស្មើជាមួយមេដឹកនាំរុស្សី វ្លាឌីមៀ ពូទីន មេដឹកនាំដែលល្បីថាមានខ្សែក្រវ៉ាត់ខ្មៅជាច្រើនជាន់នោះ ដើម្បីកំណត់ពីជោគវាសនារបស់ អ៊ុយក្រែន។
ស្រាប់នៅថ្ងៃនេះ មេទ័ព និងមេដឹកនាំឆេឆេន លោក Ramzan Kadyrov បានបង្ហោះសារ Twitter របស់ស្ថាបនិក SpaceX និង Tesla ដោយនិយាយថា លោកពូទីននឹង យកឈ្នះលើអ្នក ដែលជាគូប្រជែងដែលខ្សោយជាង។ Kadyrov ដែលបានអះអាងថា បានស្ថិតនៅក្នុងប្រទេសអ៊ុយក្រែនជាមួយកងទ័ពរុស្សីកាលពីថ្ងៃច័ន្ទនោះ តាមរយៈវីដេអូមួយដែលបង្ហោះលើ Telegram ថា លោកចង់ផ្ដល់ការបណ្ដុះបណ្ដាលមួយដល់ Elon សម្រាប់ការប្រកួតជាមួយ ពូទីន។
ឆ្លើយតបនឹងមេដឹកនាំឆេឈិនខាងលើ Elon Musk បានឆ្លើយថា អរគុណហើយ តែថា ការបណ្ដុះបណ្ដាលនេះ នឹងផ្ដល់ឲ្យលោកនូវគុណប្រយោជនច្រើនពេកហើយ។ លោកថា សម្រាប់ពូទីន លោក អាចប្រើត្រឹមដៃមួយប៉ុណ្ណោះ ប្រសិនបើថា នេះជាការប្រកួតដែលពូទីនមានការភ័យខ្លាច។
“«បើគាត់ខ្លាចវាយ ខ្ញុំយល់ព្រមប្រើតែដៃឆ្វេងរបស់ខ្ញុំប៉ុណ្ណោះ ហើយខ្ញុំក៏អត់ជំនាញខាងប្រើដៃឆ្វេងដែរ»។
និយាយហើយ Elon Musk បានលើកដៃធ្វើសញ្ញា “Elona” ដែលមេទ័ពឆេឈិនរូបនោះបានដាក់ឈ្មោះឲ្យលោក៕
