អាមេរិក ៖ Everton អាចត្រូវបានប្តឹង ជុំវិញការខាតបង់ដ៏គួរឲ្យភ្ញាក់ផ្អើល របស់ពួកគេក្នុងចំនួនទឹកប្រាក់ ៣៧៣លានផោន ដោយគូប្រជែងដែលខឹងសម្បារ ទោះបីជាមានការព្រមព្រៀង របស់ពួកគេជា មួយ Premier League ខណៈក្លិបនៅលីគកំពូល ពិនិត្យ មើលគណនី របស់ពួកគេចំពេលមានការសង្ស័យ លើការបិទ Covid របស់ពួកគេ នេះបើយោងតាមការចេញផ្សាយ ពីគេហទំព័រឌៀលីម៉ែល ។
Sportsmail បានលាតត្រដាង កាលពីខែមុនថា Everton បានឈានដល់កិច្ចព្រមព្រៀងជាមួយ Premier League ដោយពួកគេពិភាក្សាលើការ ចុះហត្ថលេខា និងកិច្ចសន្យាថ្មី ដើម្បីជៀសវាងការត្រូវបានរកឃើញថា បំពានលើបទប្បញ្ញត្តិ ។ វិវរណៈនោះបានធ្វើឲ្យគូប្រជែងរបស់ពួកគេជាច្រើនខឹង។
Everton បានពន្យារពេលការ ចេញផ្សាយគណនី ២0២0-២១ របស់ពួកគេកាលពីសប្តាហ៍មុន ដោយបន្ថែមនូវអារម្មណ៍មិនល្អ ដោយក្លិបជាច្រើន មានការងឿងឆ្ងល់អំពីរ បៀបពួក គេអាចស្ថិតនៅក្នុងដែនកំណត់ នៃការចំណាយ បន្ទាប់ពីបានប្រកាសពីការខាតបង់ចំនួន ១២0 លានផោន ។ ការខាតបង់សរុប របស់ពួកគេក្នុងរយៈពេល ៣ ឆ្នាំចុងក្រោយនេះគឺ ៣៧៣ លានផោន ។
នៅក្រោមច្បាប់ Premier League ក្លិបត្រូវបានធ្វើឲ្យខាតបង់ត្រឹមតែ ១0៥ លានផោនប៉ុណ្ណោះក្នុងរយៈពេល ៣ ឆ្នាំ បើទោះបីជាការវិនិយោគលើកីឡដ្ឋាន និងហេដ្ឋារចនាសម្ព័ន្ធ គម្រោងបាល់ទាត់របស់ស្ត្រី និង សហគមន៍ត្រូវបានលើកលែងពីការគណនា ហើយប្រាក់ឧបត្ថម្ភបន្ថែម ត្រូវបានធ្វើឡើងសម្រាប់ផល ប៉ះពាល់នៃ Covid-19 ៕ ដោយ៖លី ភីលីព
