យប់មិញ PSG បានលើកពានរង្វាន់ League 1 ជាលើកទី៨ក្នុងរយៈពេល១០ឆ្នាំចុងក្រោយប៉ុន្តែសម្រាប់អ្នកគាំទ្រមួយចំនួន បានបង្ហាញថា វាមិនមានភាពគ្រប់គ្រាន់ឡើយ ចំពោះពួកគេហើយជាក់ស្តែង ពួកគេបាននាំគ្នាសំដែងប្រតិកម្មនេះ នៅក្នុងព្រឹត្តិការណ៍លើកពាននោះផងដែរ។
តារាឆ្នើមម្នាក់របស់ក្លឹប ក្រោយលើកពានរង្វាន់ធំបំផុតរបស់បារាំង League 1 ហើយនោះបែរជាបានសារភាពថាលោក នៅតែមិនទាន់អស់ចិត្តថាហេតុអ្វី បានជាក្រុមបានខិតខំព្យាយាមលើកពានរង្វាន់នេះ បានហើយប៉ុន្តែក្រុមអ្នកគាំទ្រ នៅតែបានធ្វើការស្រែកឌឺដងដាក់ទៅវិញ។
Verratti បានថ្លែងបែបនេះ ទៅកាន់អ្នកកាសែត៖ អ្នកគាំទ្របែរជាមិនអបអរនេះ គឺជារឿងអ្វីដែលខ្ញុំមិនយល់ទាល់តែសោះ។ វាគឺជាបាល់ទាត់ពេលខ្លះអ្នកឈ្នះ ពេលខ្លះអ្នកចាញ់។ ពួកយើងគ្រាន់តែជាមនុស្សធម្មតា ដូចគ្នាពួកគេយើងមានសិទ្ធ ក្នុងការទទួលបានបរាជ័យដូចគ្នា៕ ប្រែសម្រួល៖ស៊ុនលី
