ស្រុកល្វាឯម៖ ព្រឹត្តិការណ៍ការប្រកួត ពានរង្វាន់បាល់ទាត់មិត្តភាព យុវជនស្រុកល្វាឯម ២០២២កាលថ្ងៃទី២៤ ខែមេសា ឆ្នាំ២០២២ ក្រុមបាល់ទាត់ យុវជន អធិរាជជ្រោយពិសីបានឡើងវគ្គពាក់កណ្តាលផ្តាច់ព្រ័ត្រហើយ បន្ទាប់ពីក្រុមនេះ បានយកឈ្នះក្រុមបាល់ទាត់យុវជនឃុំព្រែកឬស្សី ក្នុងលទ្ធផលបច្ចេកទេសល ២ ទល់នឹង០ ដោយការប្រកួតប្រព្រឹត្តិទៅនៅទីលាន បាល់ទាត់វិទ្យាល័យ ហ៊ុន សែន ទឹកឃ្លាំងក្នុងស្រុកល្វាឯម។
ចំណែកក្រុមបាល់ទាត់យុវជន ឃុំសារិកាកែវ យកឈ្នះក្រុមបាល់ទាត់យុវជន ឃុំសំបួរ ក្នុងលទ្ធផល ៣ ទល់នឹង ២ ក្រុមបាល់ទាត់យុវជន ឃុំអរិយក្សត្រ យកឈ្នះ ក្រុមយុវជន ល្ខោនខោលវត្តស្វាយ ដោយទាត់បាល់ ១១ម៉ែត្រកាត់សេចក្តី ក្នុងលទ្ធផល ៤ ទល់នឹង២ និងក្រុមបាល់ទាត់យុវជន ឃុំកោះរះយកឈ្នះក្រុមបាល់ទាត់ យុវជនវិទ្យាល័យ ហ៊ុន សែន ពាមឧកញ៉ាអុង ដោយទាត់បាល់ ១១ ម៉ែត្រកាត់សេចក្តី ក្នុងលទ្ធផល ៤ទល់នឹង២ ។
ដូច្នេះគណៈកម្មការរៀបចំ រកឃើញ៣ក្រុមទៀត គឺឡើងវគ្គពាក់កណ្តាលផ្តាច់ព្រ័ត្រ ក្រុមបាល់ទាត់ យុវជនឃុំសារិកាកែវ ក្រុមបាល់ទាត់យុវជន ឃុំអរិយក្សត្រ និងក្រុមបាល់ទាត់យុវជន ឃុំកោះរះ។
ការប្រកួតពានរង្វាន់បាល់ទាត់មិត្តភាព យុវជនស្រុកល្វាឯម ២០២២មានក្រុមចូលរួម ចំនួន ១៧ ក្រុមបែងចែកចេញជា៤ពូល ចំណែកពូល “A” មាន៥ក្រុម ហើយ៣ពូលមាន៤ក្រុម ហើយការប្រកួតប្រព្រឹត្តិនៅទីលានបាល់ទាត់ វិទ្យាល័យ ហ៊ុន សែន ទឹកឃ្លាំង។ ចំពោះក្រុមទំាង១៧មកពីឃុំទំាង១៥ មកនៅស្រុកល្វាឯម រួមមានក្រុមបាល់ទាត់ យុវជនអធិរាជជ្រោយពិសី ក្រុមបាល់ទាត់យុជនឃុំព្រែករៃ ក្រុមបាល់ទាត់ យុវជនឃុំថ្មគរ ក្រុមបាល់ទាត់ យុវជនវត្តពោធិ៍មាស ក្រុមបាល់ទាត់ យុវជនឃុំអរិយក្សត្រ ក្រុមបាល់ទាត់ យុវជនវិទ្យាល័យ ហ៊ុន សែន ទឹកឃ្លាំង ក្រុមបាល់ទាត់ យុវជនវិទ្យាល័យ ហ៊ុន សែន ល្វាសរ និងក្រុមបាល់ទាត់ យុវជនឃុំសារិកាកែវ។
រីឯក្រុមបាល់ទាត់យុវជនវិទ្យាល័យ ហ៊ុន សែន ពាមឧកញ៉ាអុង ក្រុមបាល់ទាត់យុវជនល្ខោនខោលវត្តស្វាយអណ្តែត ក្រុមបាល់ទាត់ យុវជនឃុំបឹងគ្រំ ក្រុមបាល់ទាត់ យុវជនឃុំព្រែករៃ ក្រុមបាល់ទាត់ យុវជនឃុំព្រែកឬស្សី ក្រុមបាល់ទាត់ យុវជនក្មេងវត្តល្វាសរ ក្រុមបាល់ទាត់យុវជនឃុំកោះកែវ ក្រុមបាល់ទាត់យុវជនឃុំសំបួរ និងក្រុមបាល់ទាត់យុវជនឃុំកោះរះ៕ ដោយ៖លី ភីលីព
