ញូវយ៉ក៖ Sotheby’s បាននិយាយថា អាវដែលវីរបុរសបាល់ទាត់ អាហ្សង់ទីន Diego Maradona ពាក់ពេលស៊ុតបញ្ចូលទី២ គ្រាប់ទល់នឹងអង់គ្លេស សម្រាប់ការប្រកួត World Cup ឆ្នាំ១៩៨៦ រួមទាំងគ្រាប់បាល់ “Hand of God” ដ៏ល្បីល្បាញត្រូវបាន ដេញថ្លៃក្នុងតម្លៃ ៩.៣លានដុល្លារ ជាកំណត់ត្រាសម្រាប់វត្ថុអនុស្សាវរីយ៍ កីឡាណាមួយ។ នេះបើយោងតាមការចេញផ្សាយ ពីគេហទំព័រឆៃណាឌៀលី។
Sotheby’s បានបន្តថា អ្នកដេញថ្លៃចំនួន៧ បានប្រជែងយកសម្លៀកបំពាក់ សម្រាប់ការដេញថ្លៃ ដែលបានចាប់ផ្តើមនៅថ្ងៃទី ២០ ខែមេសា ហើយបានបញ្ចប់នៅព្រឹកថ្ងៃពុធ ដោយមិនបានបញ្ចេញឈ្មោះ របស់អ្នកទិញនោះទេ។
លោក Brahm Wachter ជាប្រធានផ្នែកលក់សម្លៀកបំពាក់តាមដងផ្លូវ និងវត្ថុប្រមូលទំនើបរបស់ Sotheby បាននិយាយនៅក្នុងសេចក្តីថ្លែងការណ៍មួយបន្ទាប់ពីការលក់ថា “អាវប្រវត្តិសាស្ត្រនេះ គឺជាការរំលឹកជាក់ស្តែង នៃពេលវេលាដ៏សំខាន់មួយ មិនត្រឹមតែនៅក្នុងប្រវត្តិសាស្ត្រ កីឡាប៉ុណ្ណោះទេ ប៉ុន្តែនៅក្នុងប្រវត្តិសាស្រ្ត នៃសតវត្សទី ២០។
លោកបាននិយាយថា នេះគឺជាអាវបាល់ទាត់ ដែលចង់បានបំផុតមិនធ្លាប់មាន មកដេញថ្លៃ ហើយវាសមណាស់ ឥឡូវនេះវាកាន់កាប់កំណត់ត្រា ដេញថ្លៃសម្រាប់វត្ថុណាមួយ នៃប្រភេទរបស់វា។ អាវនេះត្រូវបានគ្រប់គ្រង ដោយខ្សែបម្រើប្រឆាំង Steve Hodge បានប្តូរអាវរបស់លោកជាមួយ Maradona បន្ទាប់ពីក្រុមអង់គ្លេសចាញ់ ២-១ ។
លោក Hodge ដែលជីវប្រវត្តិរបស់លោកមានចំណងជើងថា បុរសពាក់អាវរបស់ Maradona អស់រយៈពេល ២០ ឆ្នាំមកហើយបានខ្ចីអាវនេះ ទៅដាក់តាំងបង្ហាញជាសាធារណៈ នៅសារមន្ទីរបាល់ទាត់ជាតិ ក្នុងទីក្រុង Manchester៕
ដោយ៖លី ភីលីព
