Hampden Park៖ យោងតាមការចេញផ្សាយ ពីគេហទំព័រស្គាយញ៉ូវ បានប្រាប់ឲ្យដឹងថា ក្រុមបាល់ទាត់អ៊ុយក្រែន បានយកឈ្នះក្រុមបាល់ទាត់ស្កុតឡែន ៣-១ នៅ Hampden Park ដើម្បីរក្សាក្តីសុបិនព្រឹត្តិការណ៍ ការប្រកួតកីឡា World Cup របស់ពួកគេឲ្យនៅរស់ នៃការប្រកួតជម្រុះ វគ្គពាក់កណ្តាលផ្តាច់ព្រ័ត្រ ដ៏រំជើបរំជួលនៅទីក្រុង Glasgow ។
ដោយលេងប្រឆាំងនឹងផ្ទៃខាងក្រោយ នៃសង្រ្គាមកំពុងបន្ត ការប្រកួតបានចាប់ផ្តើមជាមួយ នឹងការបង្ហាញពីសាមគ្គីភាព ពីអ្នកគាំទ្រស្កុតឡេន ខណៈពួកគេមួយចំនួន បានចូលរួមជាមួយអ្នកទស្សនា សម្រាប់ការច្រៀងចម្រៀងជាតិ របស់ប្រទេសអ៊ុយក្រែន មុនពេលចាប់ផ្តើមការប្រកួត។
អ៊ុយក្រែនត្រូវបានគាំទ្រ ដោយអ្នកគាំទ្រចំនួន ៣,៥00 នាក់ ហើយបានចាប់ផ្តើម ជាមួយនឹងកីឡាករចំនួន ៦ នាក់មិនបានប្រកួតប្រជែង នៅឆ្នាំនេះ បន្ទាប់ពីលីគក្នុងស្រុកត្រូវបានផ្អាក សម្រាប់ការសម្រាករដូវរងាកាលខែធ្នូ ហើយមិនបន្តឡើងវិញ បន្ទាប់ពីការលុកលុយរបស់រុស្ស៊ី។
ក្រុមភ្ញៀវមានភាពល្អប្រសើរ ក្នុងតង់ទីមួយ ដោយអ្នកចាំទីវ័យ ៣៩ ឆ្នាំរបស់ស្កុតឡែន Craig Gordon បានធ្វើការសង្គ្រោះជាច្រើនដង ដើម្បីរក្សាក្រុមម្ចាស់ផ្ទះក្នុងការប្រកួត។ ទោះជាយ៉ាងណាក៏ដោយ ខ្សែប្រយុទ្ធ Andriy Yarmolenko របស់ West Ham បានជួយឲ្យក្រុមរបស់លោកនាំមុខ នៅពាក់កណ្តាលតង់ទីមួយ ហើយពួកគេបានពង្រឹង ការក្តាប់របស់ពួកគេនៅដើមតង់ទី២ ដោយកីឡាករ Roman Yaremchuk របស់ Benfica ធ្វើបាន ២-០ ។
ស្កុតឡេនបានស៊ុតបញ្ចូលទី ក្នុងរយៈពេលប្រហែល ១០ នាទី ប៉ុន្តែអ៊ុយក្រែនបានបញ្ចប់ ដោយការស៊ុតបញ្ចូលទីដោយកីឡាករ Artem Dovbyk ក្នុងម៉ោងបន្ថែម លទ្ធផល ៣-១។ ពេញម៉ោង កីឡាករអ៊ុយក្រែន បានអបអរជាមួយអ្នកគាំទ្រ របស់ពួកគេ នឹងសង្ឃឹមថាក្រុមរបស់ពួកគេ អាចបិទកន្លែងមួយនៅកាតា ២០២២៕ ដោយ៖លី ភីលីព
