ក្លឹប Liverpool បានចាយលុយសរុបប្រមាណ ៨លានដុល្លារ ដើម្បីនាំយកខ្សែការពារ Calvin Ramsay ដែលទើបមានវ័យ១៨ឆ្នាំ ពីក្លឹប Aberdeen នៅលីគកំពូលស្កុតឡែន សម្រាប់មកជួយក្រុមនៅរដូវកាល ឆ្នាំ២០២២/២៣។
បើយោងតាមអ្នកកាសែត Fabrizio Romano ខាង Liverpool បានដាក់សំណើស្នើទិញជាផ្លូវការ តាំងអាទិត្យមុនមក ដោយនៅខណៈនេះទាំងក្លឹបក៏ដូចសាមីខ្លួនផ្ទាល់ បានព្រមព្រៀងជាមួយនឹង Liverpool។
បើតាមការឯកភាពលក្ខណៈឯកជនរវាង Calvin Ramsay និង Liverpool គឺបានព្រមព្រៀងចុះកុងត្រា រយៈពេល៥ឆ្នាំ រហូតថ្ងៃទី៣០ ខែមិថុនា ឆ្នាំ២០២៧៕ Source:Sabay
