Cristiano Ronaldo ត្រូវបានគេប្រទះឃើញ នៅឯមជ្ឈមណ្ឌលហ្វឹកហាត់ របស់ជម្រើសជាតិព័រទុយហ្គាល់ ក្នុងទីក្រុង Lisbon ដោយបានអវត្តមាន សម្រាប់ត្រលប់ត្រៀមរដូវកាល ជាមួយ Man Utd កាលពីថ្ងៃច័ន្ទ ។
កីឡាករសញ្ជាតិព័រទុយហ្គាល់ បានផ្ដល់ដំណឹងទៅកាន់ United ថា គេមិនបានទៅហ្វឹកហាត់ ជាមួយក្រុមឡើយដើម្បីត្រៀម Pre-Season ដោយសារហេតុផលគ្រួសារ ។ ស្រាប់តែពេលថ្មីៗនេះ គេបានឃើញ Ronaldo បើករថយន្តទំនើប Rolls Royce ទៅកាន់ជំរុំហ្វឹកហាត់ របស់ក្រុមជម្រើសជាតិព័រទុយហ្គាល់ ។
គេមិនទាន់ដឹកច្បាស់ថា ការទៅដល់របស់ Ronaldo នៅឯមជ្ឈមណ្ឌលហ្វឹកហាត់ដើម្បីធ្វើអ្វីទេ ។ ប៉ុន្តែតាមការសន្និដ្ឋាន គេទំនងចង់ហ្វឹកហាត់ម្នាក់ឯងដើម្បីពង្រឹងកាយសម្បទា និងបន្តតាមដានពីអនាគតរបស់ខ្លួន ។
ខណៈកីឡាករវ័យ៣៧ឆ្នាំ មានការគោរពច្រើនចំពោះ United គេបានប្រាប់ក្លឹបថា ប្រសិនបើមានសំណើសមរម្យដាក់មួយដាក់មក គេចង់ចាកចេញពីក្លឹប ដោយសារតែបារម្ភ មិនអាចជួយក្រុមឲ្យរីកចម្រើនជាងនេះ ។ ក្លឹបយក្សនៅអង់គ្លេស Chelsea កំពុងតែពិចារណាដាក់សំណើ ទៅកាន់បិសាចក្រហម ក្នុងការនាំយក Ronaldo មកកាន់ Stamford Bridge ៕
