ក្លឹប Chelsea ត្រូវបានរាយការណ៍ថា ត្រៀមកញ្ចប់ទឹកប្រាក់ ១៤លានផោន ដើម្បីទិញថ្លៃទិញ Cristiano Ronaldo ពី Manchester United។
Chelsea ទើបតែយល់ព្រមលក្ខខណ្ឌផ្ទាល់ខ្លួន ជាមួយខ្សែបម្រើប្រយុទ្ធ Raheem Sterling លើតម្លៃខ្លួនផ្ទេរ៤៥លានផោន ហើយប្រធានក្លឹបថ្មីលោក Todd Boehly កំពុងបន្តចំណាយលុយ ដើម្បីទិញកីឡាករថ្មីចូល។ Ronaldo បានស្នើសុំ United ចាកចេញកាលពីសប្ដាហ៍មុន ហើយពេលនេះមិនត្រលប់វិលមក ហ្វឹកហាត់ជាមួយក្រុមនៅឡើយទេ។
ប្រភពពី SunSport បានបញ្ជាក់ថា បិសាចក្រហមពេលនេះ បានទទួលស្គាល់ ពួកគេនឹងបាត់បង់ Ronaldo នៅរដូវក្ដៅនេះ។ ក្លឹបតោខៀវ Chelsea កំពុងតែត្រៀមលុយ១៤លានផោន ដើម្បីតាមទិញកីឡាករវ័យ៣៧ឆ្នាំ ឲ្យមកចូលរួមនៅ Stamford Bridge។
Man Utd បានទិញកីឡាករសញ្ជាតិព័រទុយហ្គាល់ ត្រលប់មកវិញកាលពីរដូវក្ដៅមុនពីក្លឹប Juventus ក្នុងតម្លៃខ្លួន១៩,៧លានផោន។ Ronaldo នៅសល់កុងត្រាតែមួយឆ្នាំទៀត ប៉ុណ្ណោះនៅកីឡដ្ឋាន Old Trafford ហើយមហិច្ឆតារបស់គេ នៅរដូវកាលក្រោយចង់បន្តលេងនៅពានរង្វាន់ Champions League៕ Source: Sabay
