ភ្នំពេញ៖ ព្រឹត្តិការណ៍ការប្រកួតកីឡាបាល់ទាត់កុមារ និងយុវជន AIA – ISF Youth League នៅមណ្ឌលភ្នំពេញក្រុមបាល់ទាត់បុរស និងនារីក្រុមអាយុក្រោម ១០ឆ្នាំ អាយុក្រោម ១៤ឆ្នាំ និងអាយុក្រោម ១៦ ឆ្នាំនិងកុមារីក្រោម ១៤ឆ្នាំ និង ១៨ឆ្នាំដណ្តើមកៅអីដើម្បីដំណើរចូលរួមការប្រកួតវគ្គផ្តាច់ព្រ័ត្រ AIA – ISF Grand Championship League នាខែសីហាខាងមុខនេះ ការប្រកួតនេះរៀបចំដោយអង្គការផ្កាយសមុទ្រ (ISF)សហការជាមួយក្រុមហ៊ុន AIA Cambodia នៅទីលានបាល់ទាត់អង្គការផ្កាយសមុទ្រ។
ចំពោះចំណាត់ថ្នាក់វិញ ការប្រកួតកីឡាបាល់ទាត់អាយុក្រោម ១៨ ឆ្នាំនារី លេខ១បានទៅលើក្រុមបាល់ទាត់នារី PSE ការប្រកួតកីឡាបាល់ទាត់អាយុក្រោម ១៦ ឆ្នាំបុរស លេខ១បានទៅលើក្រុមបាល់ទាត់ ISF CA ការប្រកួតកីឡាបាល់ទាត់អាយុក្រោម១៤ឆ្នាំបុរស លេខ១បានទៅលើក្រុមបាល់ទាត់ Ponheapun School ការប្រកួតកីឡាបាល់ទាត់អាយុក្រោម ១0 ឆ្នាំបុរស លេខ១បានទៅលើក្រុមបាល់ទាត់ ISF SMC និងការប្រកួតកីឡាបាល់ទាត់អាយុក្រោម ១៤ ឆ្នាំនារីលេខ១បានទៅលើក្រុមបាល់ទាត់ ISF SMC។
ក្រុមដែលគ្រងតំណែងជើងឯក តាមមណ្ឌលរាជធានីភ្នំពេញ មណ្ឌលក្រុងកំពត មណ្ឌលក្រុងសៀមរាប និងមណ្ឌលខេត្តកំពង់ស្ពឺ នៃព្រឹត្តិការណ៍ការប្រកួតបាល់ទាត់កុមារ និងយុវជន AIA – ISF Youth League ត្រូវប្រកួតជាមួយគ្នាដណ្តើមពាន់រង្វាន់ធំនៃព្រឹត្តិការណ៍ប្រកួតផ្តាច់ព្រ័ត្រ AIA – ISF Grand Championship League ប្រចាំអង្គការផ្កាយសមុទ្រ (ISF)៕ ដោយ៖លី ភីលីព
