ក្លិប Manchester United នឹងបញ្ចប់នៅចំណាត់ថ្នាក់ ក្រោមពាក់កណ្ដាលតារាង នៃក្របខណ្ឌ Premier League ប្រសិនបើពួកគេលក់ Cristiano Ronaldo។ នេះជាការលើកឡើងរបស់លោក Gary Neville។
បិសាចក្រហមពេលនេះ ស្ថិតនៅបាតតារាងនៃ Premier League ក្រោយពីរប្រកួតមិនទាន់ឈ្នះសោះ ចាញ់ Brighton ២-១ និងចាញ់ Brentford ៤-០ កាលពីថ្ងៃសៅរ៍។ Ronaldo ធ្លាប់បង្ហាញបំណងចង់ចាកចេញពី Old Trafford ក្នុងរដូវក្ដៅនេះ ដើម្បីស្វែងរកកន្លែងលេង Champions League។
ប៉ុន្តែ Neville ជឿជាក់ថា ប្រសិនបើ Ronaldo ចាកចេញ ហើយ United បរាជ័យក្នុងការស្វែងរក អ្នកមកជំនួសកន្លែងរបស់គេ នោះក្រុមលោក Erik ten Hag នឹងមានបញ្ហា។ និយាយប្រាប់ Sky Sport លោក Neville ថា ប្រសិនបាត់កីឡាករសញ្ជាតិព័រទុយហ្គាល់នោះ នឹងបាត់អ្នករកគ្រាប់បាល់។ ហើយបើមិននាំកីឡាករថ្មីចូល ឬកីឡាករនោះលេងមិនកើត United អាចបញ្ចប់ចំណាត់ថ្នាក់ នៅម្ដុំក្រោមពាក់កណ្ដាលតារាង៕ Source: Sabay
