The Goal ចេញផ្សាយនៅថ្ងៃនេះ បានឲ្យដឹងថាក្លឹបនៅលីគកំពូលបារាំង Nice កំពុងបង្កើតក្តីសង្ឃឹមថា នឹងអាចទាក់ទងចរចានាំយកគ្រូបង្វឹកលោក Mauricio Pochettino មករួមក្លឹបបាននាពេលខាងមុខនេះ។
អតីតគ្រូបង្វឹករបស់ក្លឹប PSG ជនជាតិអាហ្សង់ទីនរូបនេះ គឺជាបេក្ខភាពដ៏សាកសមបំផុត សម្រាប់មកជំនួសតំណែងរបស់គ្រូបង្វឹកបច្ចុប្បន្នលោក Lucien Favre ដែលកំពុងជួបបញ្ហាតំណែងដោយសារតែ ការប្រកួត៨ប្រកួតចុងក្រោយក្នុងលីគ Nice ទទួលបានជ័យជំនះតែ២ប្រកួតប៉ុណ្ណោះ។
The Goal ជឿជាក់ថា Nice គឺបានត្រៀមខ្លួនរួចទៅហើយ ក្នុងការជួបចរចាជាមួយនឹងគ្រូបង្វឹកលោក Pochettino រូបនេះបូករួមទាំងការទាមទារផ្នែកហិរញ្ញវត្ថុរបស់គាត់ផងដែរ ប៉ុន្តែជឿជាក់ថា គ្រូបង្វឹករូបនេះ ដូចជាមិនសូវមានបំណង ចង់វិលត្រឡប់មកលីគប្រទេសបារាំងនោះទេ៕ ប្រែសម្រួល៖ស៊ុនលី
