The TNT Sports ចេញផ្សាយ នៅថ្ងៃនេះបានឲ្យដឹងថា ក្លឹបយក្សអង់គ្លេ សហង្សក្រហម Liverpool និងអធិរាជស Real Madrid បានត្រៀមខ្លួនរួចទៅហើយ ក្នុងការសាកល្បង ចូលរួមប្រជែងជាមួយនឹង ក្លឹបតោខៀវ Chelsea ដើម្បីហត្ថលេខា របស់កីឡាករឆ្នើមម្នាក់របស់ Newcastle ។
ប្រភពដដែលក៏បានសរសេរដែរថា ក្លឹប Chelsea ជាអ្នកមកមុនគេនិងមានទំនុកចិត្ត ជាងគេដើម្បីអាចនាំយកកីឡាករប្រេស៊ីល លេងនៅតំបន់កណ្តាល Bruno Giumaraes រូបនេះមកចូលរួមក្លឹប នៅខែមករាខាងមុខទោះបី ជាយ៉ាង Newcastle នឹងខិតខំព្យាយាមរក្សាទុក កីឡាកររូបនេះក្តី។
Newcastle ក៏នឹងរៀបចំកញ្ចប់ប្រាក់កម្រៃថ្លៃបំផុត របស់ក្លឹបជូនកីឡាករផងដែរ ប៉ុន្តែជឿជាក់ថា នឹងបន្តជួបបញ្ហាពីព្រោះថាសូម្បីតែ Liverpool និង Real Madrid ក៏នឹងចូលរួមការ ប្រកួតប្រជែងនេះផងដែរ ៕
ប្រែសម្រួល៖ស៊ុនលី
