អ៊ុយក្រែន៖យោងតាមការចេញផ្សាយពីគេហទំព័រជប៉ុនធូដេបានប្រាប់ឲ្យដឹងថា សហព័ន្ធបាល់ទាត់អ៊ុយក្រែនបានអំពាវនាឲ្យ FIFA ឲ្យដកប្រទេសអ៊ីរ៉ង់ចេញពីការប្រកួតបាល់ទាត់ពិភពលោក “World Cup” ដោយចោទប្រកាន់ថា មានការរំលោភសិទ្ធិមនុស្ស និងផ្គត់ផ្គង់អាវុធដល់យោធារុស្ស៊ី។
ការអំពាវនាវនេះត្រូវបានធ្វើឡើង៣សប្តាហ៍មុនពេលអ៊ីរ៉ង់ត្រូវប៉ះអង់គ្លេសនៃការប្រកួតក្នុងពូល B ជាលើកដំបូងនៅប្រទេសកាតា ហើយក្រុមនេះក៏មានសហរដ្ឋអាមេរិក និងវែលផងដែរ។ គណៈកម្មាធិការប្រតិបត្តិរបស់សហព័ន្ធអ៊ុយក្រែនមិនបានស្នើសុំឲ្យជំនួសប្រទេសអ៊ីរ៉ង់ការប្រកួតដោយក្រុមអ៊ុយក្រែន បានចាញ់ក្រុមវេលស៍ការប្រកួតវគ្គផ្តាច់ព្រ័ត្រនៅទ្វីបអឺរ៉ុបកាលពីខែមិថុនានោះទេ។
អ៊ុយក្រែនទទួលយកកន្លែងរបស់អ៊ីរ៉ង់គឺជាសំណើកាលពីសប្តាហ៍មុនដោយក្លិបកំពូលរបស់ប្រទេសគឺ Shakhtar Donetsk ការអំពាវនាវស្រដៀងគ្នាទៅនឹង FIFA។ FIFA មិនបានធ្វើអត្ថាធិប្បាយលើសំណើរបស់អ៊ុយក្រែនទេ ហើយជាធម្មតាមិនផ្អាកសហព័ន្ធសមាជិកទេ ដោយសារតែការសម្រេចចិត្តខាងយោធាដោយរដ្ឋាភិបាលជាតិ។
រុស្ស៊ី និងអ៊ីរ៉ង់ទាំង២នាក់បានបដិសេធការវាយតម្លៃចារកម្មអន្តរជាតិថា អ៊ុយក្រែនត្រូវបានទម្លាក់គ្រាប់បែកដោយកងកម្លាំងរុស្ស៊ីដោយប្រើយន្តហោះគ្មានមនុស្សបើក “Shahed” ផលិតដោយអ៊ីរ៉ង់។ លក្ខន្តិកៈច្បាប់របស់ FIFA ក៏ធ្វើការប្តេជ្ញាចិត្តចំពោះការគោរពសិទ្ធិមនុស្សដែលត្រូវបានទទួលស្គាល់ជាអន្តរជាតិទាំងអស់ និងខិតខំលើកកម្ពស់ការការពារសិទ្ធិទាំងនោះ។
ទោះបីជាយ៉ាងណាក៏ដោយ FIFA មិនបានអំពាវនាវឲ្យមានការសន្យាសិទ្ធិមនុស្សរបស់ខ្លួននៅពេល ខ្លួនបានព្យួរក្រុមរុស្ស៊ីពីការប្រកួតអន្តរជាតិរួមទាំងការប្រកួតជម្រុះ World Cup ក្នុងរយៈពេលប៉ុន្មានថ្ងៃនៃការលុកលុយអ៊ុយក្រែនចាប់ផ្តើមកាលខែកុម្ភៈ។ ផ្ទុយទៅវិញ FIFA បានលើកឡើងពីហានិភ័យចំពោះសុវត្ថិភាព និងសុចរិតភាពនៃការប្រកួតរបស់ខ្លួន ហើយការសម្រេចនេះត្រូវបានតម្កល់ដោយតុលាការអាជ្ញាកណ្តាលសម្រាប់កីឡា។
FIFA បានទប់ទល់នឹងការអំពាវនាវពីក្រុមអ្នកគាំទ្រអ៊ីរ៉ង់រួចហើយដើម្បីព្យួរក្រុមជម្រើសជាតិចំពេលមានភាពចលាចលក្នុងប្រទេសតាំងពីពាក់កណ្តាលខែកញ្ញាក្នុងអំឡុងពេលការបង្រ្កាបថ្នាក់ជាតិលើការតវ៉ាតាមផ្លូវដើម្បីគាំទ្រសិទ្ធិស្ត្រី។
កីឡាករបាល់ទាត់អ៊ីរ៉ង់ រួមទាំងសមាជិកក្រុមជម្រើសជាតិមួយចំនួនរំពឹងថានឹងត្រូវបានជ្រើសរើសសម្រាប់ការប្រកួត World Cup បានគាំទ្រការតវ៉ានៅលើប្រព័ន្ធផ្សព្វផ្សាយសង្គម និងនៅក្នុងកាយវិការក្នុងការប្រកួត រួមទាំងការពាក់ខ្សែក្រវាត់ខ្មៅ និងជាមួយនឹងការប្រារព្ធពិធីយ៉ាងរំជើបរំជួលបន្ទាប់ពីការស៊ុតបាល់បញ្ចូលទី៕
ដោយ៖លី ភីលីព
