ក្រៅតែពីក្លឹប Barcelona ហើយនោះពេលនេះសូម្បីតែក្លឹប Liverpool ក៏កំពុងបង្ហាញចំណាប់អារម្មណ៍ខ្លាំងជាមួយនឹងកីឡាករ Youssoufa Moukoko ដែលបច្ចុប្បន្នកំពុងលេង Borussia Dortmund ។
ពីដើមឡើយកីឡាកររូបនេះត្រូវបានតាមដានដោយក្លឹបជាច្រើនរួចមកហើយនៅតំបន់អឺរ៉ុបដូចជា Real Madrid និងក្លឹបខ្លាំងអ៊ីតាលី Juventusទោះបីជាក្លឹបអាល្លឺម៉ង់ មិនដែលមានបំណងចង់ឲ្យកីឡាករនេះចាកចេញក្តី។
កីឡាករវ័យ១៧ឆ្នាំរូបនេះបានបង្ហាញទំរង់លេងយ៉ាងល្អជាពិសេសនៅក្រោយពេលដែលអវត្តមានរបស់កីឡាករ Erling Haaland ដោយរដូវកាលនេះអាចរកបាន៦គ្រាប់និង៤គ្រាប់ ជួយមិត្តរួមក្លឹបមកហើយខណៈដែលកុងត្រារបស់គាត់មានត្រឹមឆ្នាំ២០២៣ប៉ុណ្ណោះ៕
ប្រែសម្រួល៖ស៊ុនលី
