អង់គ្លេស ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា បណ្តាប្រទេសនៅអឺរ៉ុប រួមទាំងប្រទេសអង់គ្លេសកំពុង ជំរុញ FIFA ឲ្យចម្លើយជាក់ស្តែង លើបញ្ហាទាក់ទងនឹង ពលករចំណាកស្រុក នៅមុនព្រឹត្តិការណ៍ការ ប្រកួតកីឡាបាល់ទាត់ពិភពលោក “World Cup” ។
ប្រទេសទាំង ១០ និយាយ កាលពីថ្ងៃអាទិត្យថា រួមមានក្រុមចំនួន ៨ ជាមួយនឹង ក្រុម ដែលជាប់ការ ប្រកួត World Cup បានប្តេជ្ញាចិត្ត ចំពោះប្រធានក្រុមពាក់ខ្សែដៃ One Love ដោយបំពានច្បាប់ សរសេរដោយ FIFA ។ ក្រុមការងារ UEFA ទទួលបន្ទុកសិទ្ធិមនុស្ស និងសិទ្ធិការងារកំពុង ជំរុញឲ្យមានការឆ្លើយតប យ៉ាងច្បាស់លាស់មួយ ទាក់ទងនឹងមូលនិធិសំណង សម្រាប់កម្មករ និងគោលគំនិត នៃមជ្ឈមណ្ឌលពលករ ចំណាកស្រុកនៅទីក្រុងដូហា ។
សេចក្តីថ្លែងការណ៍រួមមួយថា វាបានស្វាគមន៍ការធានាពីរដ្ឋាភិបាលកាតា និង FIFA ទាក់ទងនឹងសុវត្ថិភាពអ្នកគាំទ្រ ក្នុងព្រឹត្តិការណ៍ World Cup រួមទាំងអ្នកគាំទ្រ LGBTQ+ ផងដែរ ប៉ុន្តែវាបានគូសបញ្ជាក់ ពីការប្តេជ្ញាចិត្តបន្តរបស់ខ្លួន ចំពោះពលករចំណាកស្រុក នៅមុនការប្រកួត។
សេចក្តីថ្លែងការណ៍បានអានថា FIFA បានប្តេជ្ញាម្តងហើយម្តងទៀត ក្នុងការផ្តល់ចម្លើយជាក់ស្តែង លើបញ្ហាទាំងនេះ មូលនិធិសំណងសម្រាប់ ពលករចំណាក ស្រុក និងគំនិតនៃមជ្ឈមណ្ឌលពលករ ចំណាកស្រុកនឹង ត្រូវបង្កើតឡើងនៅទីក្រុងដូហា ហើយយើងនឹងបន្ត ជំរុញឲ្យមានការ ផ្តល់ជូនទាំងនេះ ។ យើងជឿជាក់លើ ថាមពល នៃកីឡាបាល់ទាត់ ក្នុងការរួម ចំណែកជាវិជ្ជមាន និងគួរឲ្យជឿជាក់ បន្ថែមទៀត ចំពោះការផ្លាស់ប្តូរ ប្រកបដោយនិរន្តរភាព ក្នុងពិភពលោក ។
ក្រុមការងារនេះមានប្រទេសចំនួន ១០ រួមមាន អង់គ្លេស បែលហ្សិក ដាណឺម៉ាក អាល្លឺម៉ង់ ហូឡង់ ន័រវែស ព័រទុយហ្គាល់ ស៊ុយអែត ស្វីស និងវែល។ សេចក្តីថ្លែងការណ៍របស់ខ្លួនបាននិយាយថា ខ្លួនបានទទួលស្គាល់វឌ្ឍនភាព ដ៏សំខាន់ត្រូវបានធ្វើឡើងទាក់ទង នឹងសិទ្ធិរបស់ពលករចំណាកស្រុក។
វាបានបន្ថែមថា យើងក៏ទទួលស្គាល់ថា គ្រប់ប្រទេសទាំងអស់មានបញ្ហា និង បញ្ហាប្រឈម ហើយយើង យល់ស្របជាមួយ FIFA ថា ភាពចម្រុះ គឺជាកម្លាំងមួយ ទោះជាយ៉ាងនេះក្តី ការទទួលយកភាពចម្រុះ និងការអត់ឱនក៏មានន័យថា គាំទ្រសិទ្ធិមនុស្សផងដែរ ចំណែកសិទ្ធិមនុស្ស គឺជាសកល ហើយគេអនុវត្តគ្រប់ទីកន្លែង ៕
