យោងតាមការចេញផ្សាយរបស់ The Goal នៅថ្ងៃនេះបានឲ្យដឹងថា ក្លឹបកាំភ្លើងធំ Arsenal នៅតែកំពុងបន្តកិច្ចខិតខំបំពេញការងារ ក្នុងការបន្តកុងត្រាថ្មី ជូនកីឡាករវ័យក្មេងឆ្នើម Gabriel Martinelliនៅឡើយ។
កុងត្រារបស់កីឡាករប្រេស៊ីលរូបនេះ មានសុពលភាពត្រឹមឆ្នាំ២០២៤ ប៉ុណ្ណោះជាមួយនឹងជម្រើស ក្នុងការបន្តបន្ថែមមួយឆ្នាំទៀត ប៉ុន្តែជឿជាក់ថាកាំភ្លើងធំ Arsenal កំពុងចរចាដើម្បីអាចធ្វើការបន្តកុងត្រាថ្មី ជាច្រើនឆ្នាំទៀត ឲ្យកីឡាករវ័យទើបតែ២១ឆ្នាំរូបនេះ ជាពិសេសជាមួយនឹងលក្ខខណ្ឌ តម្លើងប្រាក់កម្រៃផងដែរ។
គួរឲ្យដឹងដែរថាពេលនេះកាំភ្លើងធំ Arsenal កំពុងបន្តស្ថិតនៅកំពូលតារាងលីគអង់គ្លេស មាន៣៧ពិន្ទុនាំមុខក្រុមលេខរៀងទី២ មេឃខៀវ Man City ដែលមាន៣២ពិន្ទុ ខណៈដែលក្រុម Newcastle កំពុងមាន៣០ពិន្ទុ៕ ប្រែសម្រួល៖ស៊ុនលី
