កាតា៖ យោងតាមការចេញផ្សាយពីគេហទំព័រជប៉ុនធូដេ បានប្រាប់ឲ្យដឹងថា FIFA រំពឹងថានឹងរកបានទឹកប្រាក់ចំនួន ១១ ពាន់លានដុល្លាររហូតដល់ឆ្នាំ ២០២៦ ជាមួយនឹងការប្រកួតបាល់ទាត់ពិភពលោកបុរស ដែលមាន ៤៨ ក្រុមនៅអាមេរិកខាងជើង នឹងផ្តល់នូវការកើនឡើង នៃប្រាក់ចំណូលរបស់ខ្លួន។
ថវិការយៈពេល ៤ ឆ្នាំត្រូវបានបង្ហាញ កាលពីថ្ងៃសុក្រដល់ក្រុមប្រឹក្សា FIFA មើលឃើញថា ការបង្កើនប្រាក់ចំណូលស្ទើរតែ ៥០ភាគរយ ភាគច្រើនទាក់ទងនឹងការផ្សាយ និងឧបត្ថម្ភកិច្ចព្រមព្រៀង សម្រាប់ការប្រកួតបាល់ទាត់ពិភពលោកបុរស បូករួមទាំងសំបុត្រ និងបដិសណ្ឋារកិច្ច ក្នុងការប្រកួតនឹងប្រើប្រាស់កីឡដ្ឋាន NFL ជាច្រើន។
ជាធម្មតា FIFA ធ្វើការប៉ាន់ប្រមាណថវិកាបែបអភិរក្ស ហើយបញ្ចប់ការវាយលុកគោលដៅ។ ប្រាក់ចំណូល ៧.៥ ពាន់លានដុល្លារ ដែលបានប្រកាសនៅប្រទេសកាតា កាលពីខែមុនសម្រាប់វដ្ដពាណិជ្ជកម្ម ២០១៩-២២ គឺច្រើនជាង ១ ពាន់លានដុល្លារច្រើនជាងថវិកា ដែលបានព្យាករណ៍។ វាក៏មានភាពមិនច្បាស់លាស់ អំពីចំនួនការប្រកួតត្រូវលេង និងត្រូវបានលក់ទៅឲ្យអ្នកផ្សាយ នៅការប្រកួតបាល់ទាត់ពិភពលោក មានក្រុមចំនួន៤៨ ។
ក្រុមប្រឹក្សារបស់ FIFA បានយល់ព្រមកាលខែមករា ឆ្នាំ ២០១៧ ដើម្បីឲ្យមានទម្រង់ ៨០ ប្រកួតជាមួយនឹងក្រុមដែលលេងក្នុងក្រុម ១៦ ជុំនៃក្រុមចំនួន ៣ ក្រុមនីមួយៗមុនការប្រកួតវគ្គ ៣២ ក្រុម។ ការប្រកួតឆ្នាំ ២០២២ បញ្ចប់នៅពេលអាហ្សង់ទីន ប្រកួតជាមួយបារាំងនៅវគ្គផ្តាច់ព្រ័ត្រ នៅថ្ងៃអាទិត្យ មាន ៦៤ ប្រកួត។
ទម្រង់ថ្មីត្រូវបានយល់ព្រម ដើម្បីជួយពន្លឿនការអភិវឌ្ឍន៍បាល់ទាត់ក្នុងប្រទេស ដែលកម្រមានសិទ្ធិ សម្រាប់ការប្រកួតបាល់ទាត់ពិភពលោក។ នោះគឺទោះបីជាការស្រាវជ្រាវផ្ទាល់ខ្លួន របស់ FIFA បានផ្តល់ដំបូន្មានថា ការប្រកួតមានគុណភាពខ្ពស់បំផុត នឹងត្រូវបានចែកចាយដោយទម្រង់ ៣២ ក្រុមបច្ចុប្បន្ន បានប្រើតាំងពីឆ្នាំ ១៩៩៨ ក៏ដោយ។
ទោះបីជាយ៉ាងណាក៏ដោយ មន្ត្រីរបស់ FIFA ក្នុងឆ្នាំនេះ បានស្នើឲ្យមានទម្រង់លេងចំនួន ១០៤ ជាមួយនឹងក្រុមដែលលេងជា ១២ ក្រុម ក្នុងចំណោម ៤ ក្រុម មុនពេលការប្រកួតជម្រុះ ៣២ ក្រុម។ នោះទំនងជានឹងបន្ថែមថ្ងៃជាច្រើន ទៅការប្រកួត ៣២ ថ្ងៃដែលបានរំពឹងទុកពីមុន៕ ដោយ៖លី ភីលីព
