ប៉ារីស៖យោងតាមការចេញផ្សាយពីគេហទំព័រជប៉ុនធូដេបានប្រាប់ឲ្យដឹងថា សហព័ន្ធបាល់ទាត់បារាំងចង់តាមដាន អ្នកប្រើបណ្ដាញសង្គមដែលដាក់គោលដៅលើកីឡាករ ជម្រើសជាតិមួយចំនួនជាមួយនឹងការបញ្ចេញមតិរើស អើងជាតិសាសន៍ បន្ទាប់ពីបារាំងចាញ់អាហ្សង់ទីនក្នុងវគ្គផ្ដាច់ព្រ័ត្រ World Cup។
សហព័ន្ធបាននិយាយកាល ពីថ្ងៃអង្គារថា កីឡាករមួយចំនួនត្រូវបានរងការវាយ ប្រហារដោយការរិះគន់ការរើស អើងជាតិសាសន៍ និងការស្អប់ខ្ពើមមិនអាចទទួលយកបាននៅលើបណ្តាញសង្គម ហើយថា ខ្លួនគ្រោងនឹង ដាក់ពាក្យបណ្តឹងប្រឆាំង នឹងអ្នកដែលបង្ហោះការរំលោភបំពាន។
សហព័ន្ធបាល់ទាត់បារាំងថ្កោលទោសយ៉ាងម៉ឺងម៉ាត់បំផុត ចំពោះអាកប្បកិរិយាមិនអាចអត់ឱនបាន និងការបំពាន ទាំងនេះ។ Isabelle Rome រដ្ឋមន្ត្រីទទួលបន្ទុកសមភាពយេនឌ័របាននិយាយថា ថមន្ត្រីរដ្ឋាភិបាលបារាំង បានសម្ដែងការ ខឹងសម្បាររបស់ខ្លួនបន្ទាប់ពីការប្រមាថនេះ។ កីឡាករ Kylian Mbappe និងកីឡាករ Kinglsey Coman ស្ថិតក្នុងចំណោម អ្នកដែលត្រូវបានរំលោភបំពាន។
Mbappe និង Coman គឺខ្មៅ៖ ក្លិបរបស់ Coman គឺ Bayern Munich ក៏បានថ្កោលទោសចំពោះការ បញ្ចេញមតិរើសអើង ជាតិសាសន៍ដែលសំដៅទៅលើខ្សែបម្រើស្លាបជាកីឡាករបារាំងម្នាក់បានខកខានក្នុងអំឡុងការស៊ុតបាល់ប៉េណាល់ទីដែលសម្រេចការប្រកួតវគ្គផ្តាច់ព្រ័ត្រកាលពីថ្ងៃអាទិត្យ។
Bayern បានសរសេរនៅលើ Twitter ថា គ្រួសារ FC Bayern គឺនៅពីក្រោយអ្នក King ។ រដ្ឋមន្ត្រីកីឡាបារាំង Amelie Oudea-Castera បានបង្ហោះសារគាំទ្ររបស់នាងចំពោះ Coman និងកីឡាករទាំងអស់ដែលត្រូវបានបំពានដោយ និយាយថាការអត្ថាធិប្បាយដ៏អាក្រក់នេះ មិនមានកន្លែងនៅក្នុងបាល់ទាត់ ឬកន្លែងណាផ្សេងទៀតទេ។
បារាំងបានវាយបកវិញតាមស្មើ ៣-៣ តាមរយៈម៉ោងបន្ថែមក្នុងប្រទេសកាតា មុនពេលអាហ្សង់ទីនឈ្នះការ ស៊ុតបាល់ប៉េណាល់ទី ដើម្បីឈានទៅវគ្គផ្តាច់ព្រ័ត្រដ៏រំភើបបំផុតក្នុងប្រវត្តិសាស្ត្រ World Cup។ Coman មានការប៉ុនប៉ងជួយសង្គ្រោះដោយអ្នកចាំទីអាហ្សង់ទីន Emi Martinez និង Aurelien Tchouameni បន្ទាប់មកខកខានសម្រាប់ប្រទេសបារាំង៕
ដោយ៖លី ភីលីព
