គ្រូបង្វឹកក្លឹបបិសាចក្រហម Man UTD លោក Erik ten Hag ទោះបីជាទទួលបានជ័យជំនះ លើក្រុម Bournemouth ក្នុងលទ្ធផល៣ ទល់នឹង០ហើយ ក្តីប៉ុន្តែលោកបានបង្ហាញ អារម្មណ៍មិនសប្បាយចិត្តនោះឡើយ ចំពោះទំរង់លេងរបស់កូនក្រុម។
លោកបានដឹកនាំ ក្រុមយកជ័យជំនះ ជាប់គ្នា៦ប្រកួតមកហើយចុងក្រោយនេះ បូករួមទាំងជ័យជំនះក្នុង លទ្ធផល៣ទល់នឹង០កាលពីយប់មិញ ដែលក្នុងនោះមានមួយគ្រាប់ ដំបូងដោយ Casemiro មួយគ្រាប់ទៀតដោយ Luke Shaw និងមួយគ្រាប់ទៀត ដោយ Marcus Rashford ។
ទោះបីជាយ៉ាង ណាក្តីលោក ten Hag បាននិយាយថា ៖ ខ្ញុំសប្បាយចិត្ត ជាមួយនឹងលទ្ធផល ប៉ុន្តែប្រកួតនេះមិនមែនជាប្រកួតដ៏អស្ចារ្យរបស់យើងឡើយ ។ ពួកយើងត្រូវតែស្មោះត្រង់លើកឡើងអំពីទំរង់លេង របស់ក្រុមពីព្រោះថា យើងមិនល្អឡើយ យប់មិញនេះប៉ុន្តែវាគឺ ជាសំណាងរបស់យើងប៉ុណ្ណោះ ដែលអាចរកគ្រាប់បាល់ បានបែបនេះ ៕
ប្រែសម្រួល៖ស៊ុនលី
