The Goal ចេញផ្សាយនៅថ្ងៃនេះ បានឲ្យដឹងថាក្លឹបតោខៀវ Chelsea បានប្រកាសអំពីការចុះហត្ថលេខានាំយកកីឡាករAndrey Santos ពីក្លឹប Vasco da Gama ក្នុងតម្លៃខ្លួនប្រមាណជា១៣លានផោន។
រំលឹកកាលពីខែធ្នូដំណឹងនេះ បានលេចឬម្តងហើយអំពីការផ្ទេរកីឡាករវ័យក្មេងរបស់ប្រេស៊ីលរូបនេះ ក្នុងតម្លៃខ្លួនក្នុងកុងត្រាប្រមាណជា៣៥លានផោន ប៉ុន្តែជាចុងក្រោយការដោះដូរបានធ្វើឡើងត្រឹមតែ១៣លានផោន ហើយបូករួមទាំងតម្លៃប្រាក់រង្វាន់ផ្សេងៗទៀត ដែលមិនមានច្រើនដូចទៅនឹងការទាមទារដំបូងឡើយ។
កីឡាករ Santos វ័យ១៨ឆ្នាំរូបនេះ នឹងត្រូវផ្ទេរមកអង់គ្លេសក្រោយការបង្ហាញខ្លួន ឲ្យឈុតធំរបស់ Gama បានត្រឹមតែ៣៨ដង និងក៏ជាសមាជិកដែលបានជួយក្លឹបនៅស្រុកកំណើតនេះឡើងពីលីគ Serie B មកលីគកំពូលកាលពីរដូវកន្លងមកផងដែរ៕ ប្រែសម្រួល៖ស៊ុនលី
