ទីបំផុតក្លឹបអង់គ្លេស Brentford បានចុះហត្ថលេខា ក្នុងការនាំយកកីឡាករ Romeo Beckham ដែលជាកូនប្រុសរបស់កំពូលអតីតកីឡាករឆ្នើមរបស់បិសាចក្រហម និងជម្រើសជាតិអង់គ្លេស លោក David Beckham ហើយមករួមក្លឹបក្នុងលក្ខខណ្ឌខ្ចីជើងពីក្លឹប Inter Miami។
កីឡាករវ័យ២០ឆ្នាំរូបនេះនឹងចូលរួមជាមួយនឹងក្លឹប Brentford ក្នុងឈុត B នៅក្នុងពេលវេលាដែលនៅសេសសល់នារដូវកាលនេះដើម្បីអាចបន្តធ្វើការអភិវឌ្ឍខ្លួនបន្ថែមទៀតនៅក្នុងអាជីពជាកីឡាករ និងជាពិសេសក្នុងនាមជាកីឡាករឈុតបម្រុងរបស់ក្លឹប Inter Miami។
Romeo បាននិយាយថា៖ខ្ញុំពិតជាមានអារម្មណ៍រិករាយយ៉ាងខ្លាំង។ខ្ញុំមកទីនេះដើម្បីចាប់ផ្តើមរដូវកាលដែលនៅសេសសល់ទោះបីជាក្នុងលក្ខខណ្ឌខ្ចីជើងក្តីប៉ុន្តែវាគឺជារឿងដ៏គួរឲ្យរំភើបបំផុតសម្រាប់ខ្ញុំ៕ ប្រែសម្រួល៖ស៊ុនលី
