BANGI៖ យោងតាមការចេញផ្សាយ ពីគេហទំព័រឌឺវីប៊ីសបានប្រាប់ឲ្យដឹងថា សមាគមបាល់ទាត់ នៃប្រទេសម៉ាឡេស៊ី (FAM) នឹងធ្វើការប្រកាសជាផ្លូវការ អំពីការប្រើប្រាស់បច្ចេកវិទ្យាវីដេអូ ជំនួយអាជ្ញាកណ្តាល (VAR) លើទីលានបាល់ទាត់ របស់ប្រទេសនាពេលឆាប់ៗនេះ ដោយលោក Datuk Hamidin Mohd Amin ប្រធានរបស់ខ្លួន។
លោកបាននិយាយថា ការរៀបចំផែនការរួមជាមួយនឹង សហព័ន្ធបាល់ទាត់ម៉ាឡេស៊ី (MFL) ដើម្បីសម្របតាមបច្ចេកវិទ្យាតាំងពីចុងឆ្នាំ មុនគឺជាអាទិភាពនៃស្ថាប័នបាល់ទាត់ របស់ប្រទេសនេះ។
យើងនឹងធ្វើការប្រកាសនៅឆ្នាំនេះ អំពីបច្ចេកវិទ្យានេះ ប៉ុន្តែវានឹងមិនត្រូវបាន ប្រើប្រាស់ទាំងស្រុងនោះទេ ហើយប្រហែលប្រើសម្រាប់ FA Cup និង Malaysia Cup ប្រហែលជាសម្រាប់ការប្រកួតមួយចំនួន ដូចជា វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រជាមុនសិន។
លោក បានប្រាប់អ្នកយកព័ត៌មានបន្ទាប់ពីគាត់ ត្រូវបានប្រកាសថា វានឹងមិនត្រូវបានអនុវត្ត សម្រាប់ការប្រកួតលីគទេ ព្រោះវាពាក់ព័ន្ធនឹងការចំណាយខ្ពស់។ FAM និង MFL នឹងនៅតែអនុវត្តវាដដែល លោកជាអ្នកឈ្នះពានរង្វាន់ ភាពជាអ្នកដឹកនាំកីឡានៅ Harian Metro Sports Icon Awards នៅទីនេះកាលពីយប់មិញ។
កាលពីឆ្នាំមុន FAM បានបញ្ជាក់ពីការត្រៀមខ្លួនរបស់ខ្លួន ក្នុងការដាក់ឲ្យប្រើប្រាស់ប្រព័ន្ធ VAR សម្រាប់លីគម៉ាឡេស៊ីឆ្នាំ ២០២៣ ជាមួយនឹងពានរង្វាន់ FA Cup និង Malaysia Cup ដែលត្រូវបានប្រើប្រាស់ជាការសាកល្បង៕ ដោយ៖លីភីលីព
