ខ្សែប្រយុទ្ធអាហ្សង់ទីន Lionel Messi បានហោះទៅកាន់ទីក្រុងបាសេឡូណា កាលពីល្ងាចថ្ងៃអាទិត្យ បន្ទាប់ពីកីឡាកររូបនេះជួយរកគ្រាប់បាល់ជ័យជម្នះចុងតង់ ឱ្យក្លឹបយក្សបារាំង Paris Saint-Germain នៅប្រកួតលីគ ១ បារាំង។
កាលពីថ្ងៃអាទិត្យ PSG ឈ្នះក្លឹប Lille ក្នុងលទ្ធផល ៤-៣។ គ្រាប់ទី៣ និងគ្រាប់ទី៤ របស់ PSG រកបាននៅនាទីទី៨៧ និងនាទីទី ៩៥។
បន្ទាប់ពីប្រកួតបានបញ្ចប់ គ្រូ PSG បានអនុញ្ញាតឱ្យកូនក្រុមរបស់ខ្លួន សម្រាក ២ថ្ងៃ ដោយថ្ងៃពុធ ចូលមកធ្វើការវិញ។
ឆ្លៀតពេលនេះដែរ Messi បានហោះទៅផ្ទះរបស់ខ្លួន នៅប្រទេសអេស្ប៉ាញ ដើម្បីសម្រាកលម្ហែកាយ ខណៈកីឡាកររូបនេះខានទៅលេងផ្ទះរបស់ខ្លួនជាង ២ខែមកហើយ តាំងពី World Cup នៅកាតាបានបញ្ចប់៕ Source: Sabay
