គិតចាប់តាំងតែពីខែមករាមកក្រុមតោខៀវ Chelsea បានបង្ហាញទំរង់លេងអន់មែនទែន ពោលគឺមិនអាចស្គាល់ពាក្យថាឈ្នះសោះឡើយ ហើយក៏កំពុប្រឈមមុខ ទៅនឹងការបណ្តេញគ្រូបង្វឹកលោក Potter ចេញទៀតផង។
ទោះបីជាយ៉ាងណាក្តីសំពាធបានកាត់បន្ថយបន្តិច នៅក្នុងការប្រកួតកាលពីយប់មិញ ក្រោយពេលដែលក្រុមបានបង្ហាញ ទំរង់ល្អជាងមុនឡើងមកវិញ ហើយអាចយកឈ្នះក្រុមភ្ញៀវ Leeds UTD នៅក្នុងទឹកដីរបស់ខ្លួនឯង ក្នុងលទ្ធផលទាំងប្រផិតប្រផោយ១ទល់នឹង០។
គ្រាប់បាល់ដែលកើតឡើងតែមួយគត់ នៅក្នុងការប្រកួតនៅនាទីទី៥៣ដោយកីឡាករ Wesley Fofana និងក៏ជាគ្រាប់បាល់ជ័យជំនះ ជូនក្រុមផង។ទោះបីជាយ៉ាងណាក្តី៣ពិន្ទុនេះ បានធ្វើឲ្យ Chelsea អាចឡើងបានត្រឹមលេខ១០ប៉ុណ្ណោះ ក្នុងតារាងមាន៣៤ពិន្ទុ៕ ប្រែសម្រួល៖ស៊ុនលី
