ប៉ារីស៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ប្រធានគណៈកម្មាធិការរៀបចំអូឡាំពិកទីក្រុងប៉ារីស បានការពារប្រព័ន្ធលក់សំបុត្រ សម្រាប់ការប្រកួតឆ្នាំ ២០២៤ ដោយហៅដំណាក់កាលដំបូង នៃការលក់ថា ជាភាពជោគជ័យ កាលពីថ្ងៃព្រហស្បតិ៍ បើទោះបីជាមានការត្អូញត្អែរ អំពីតម្លៃខ្ពស់ក៏ដោយ។
សំបុត្រប្រហែល ៣.២៥ លានសន្លឹកត្រូវបានលក់ក្នុងខែមុន ប្រហែលមួយភាគបីនៃចំនួនសរុប ប៉ុន្តែការចេញផ្សាយនេះ ត្រូវបានគ្របដណ្ដប់ដោយការរិះគន់លើការចំណាយ។ លោក Tony Estanguet បានប្រាប់អ្នកយកព័ត៌មានជិត ៥០០ថ្ងៃថា វាជាជោគជ័យក្នុងដំណាក់កាលដំបូងនេះ ទោះបីជាយើងយល់ពីការរិះគន់ និងការខកចិត្តរបស់មនុស្សមួយចំនួន ដែលមិនពេញចិត្តក៏ដោយ។
លោកបានការពារយុទ្ធសាស្ត្រ នៃការផ្តល់កៅអីចំនួនកំណត់មួយលាន ក្នុងមួយសន្លឹកតម្លៃ ២៤ អឺរ៉ូ (២៥ ដុល្លារ) ដោយភាគច្រើន ក្នុងប្រភេទកណ្តាលប្រហែល ១០០អឺរ៉ូឬទាបជាងនេះ។ ការស្ទង់មតិបានចេញផ្សាយ កាលពីចុងសប្តាហ៍បានរកឃើញថា ប្រជាជនបារាំងប្រហែល ៤ នាក់ក្នុងចំណោម ៥ នាក់គិតថាសំបុត្រមានតម្លៃថ្លៃពេក។
ផ្នែកមួយនៃបញ្ហានៅក្នុងដំណាក់កាលដំបូងគឺថា អ្នកគាំទ្រត្រូវមានកាតព្វកិច្ចទិញសំបុត្រ សម្រាប់កីឡាយ៉ាងហោចណាស់បីផ្សេងគ្នា ជារឿយៗដាក់វិក័យប័ត្រក្នុងតម្លៃ ៣០០ អឺរ៉ូ ឬច្រើនជាងនេះក្នុងមនុស្សម្នាក់ ឬលើសពីមួយពាន់អឺរ៉ូ សម្រាប់គ្រួសារដែលមាន ៤ នាក់។ ដំណាក់កាលទី២ ជាមួយនឹងការលក់ចាប់ផ្តើមពីថ្ងៃទី ១១ ខែឧសភានឹងអាចឲ្យអ្នកទិញ អាចទទួលយកសំបុត្រតែមួយ រួមទាំងសម្រាប់ព្រឹត្តិការណ៍សំខាន់ៗ មួយចំនួន រួមទាំងពិធីបើក និងការប្រកួតកីឡាអត្តពលកម្ម។
លោក Estanguet អតីតជើងឯកជិះទូកក្តោងបារាំង និងម្ចាស់មេដាយមាសអូឡាំពិក៣ដង បានបន្ថែមថា ដំណាក់កាលទី២នេះនឹងក្លាយជាឱកាសពិសេស សម្រាប់មនុស្សក្នុងការទិញបទពិសោធន៍ ប្រហែលជាមានម្តងក្នុងមួយជីវិត។ ទោះជាយ៉ាងណាក៏ដោយ តម្លៃសំបុត្រក្តៅបំផុត ទំនងជាមិនធ្វើឲ្យអ្នករិះគន់នោះទេ៕ ដោយ៖លី ភីលីព
