The Goal ចេញផ្សាយនៅថ្ងៃនេះ បានឲ្យដឹងថាក្លឹបយក្សអេស្បាញ Real Madrid កំពុងត្រៀមខ្លួន ធ្វើការងារសម្រេចចិត្តចុងក្រោយ ដើម្បីអាចផ្តល់សំណើរជាផ្លូវការ ក្នុងការបន្តកុងត្រាថ្មីជូនកីឡាករ Brahim Diaz ឲ្យបាននៅពេលខាងមុខឆាប់ៗនេះ។
កីឡាករ Diaz ដែលបច្ចុប្បន្នកំពុងលេងឲ្យក្លឹប AC Milan ក្នុងលក្ខខណ្ឌខ្ចីជើង កំពុងបង្ហាញទំរង់លេងយ៉ាងល្អ សម្រាប់ក្លឹបអ៊ីតាលីមួយនេះហើយមិនត្រឹមតែប៉ុណ្ណោះ ក៏កំពុងទាក់ចិត្តក្លឹបដើម Real Madrid ផងដែរថា នឹងអាចមានអនាគតយ៉ាងល្អប្រសើរ ពេលត្រឡប់មកអេស្បាញវិញ។
កុងត្រារបស់គាត់នៅពេលនេះ នឹងត្រូវផុតកំណត់ត្រឹមខែមិថុនាប៉ុន្ណោះប៉ុន្តែជឿជាក់ថា Real Madrid នឹងផ្តល់ឱកាសដើម្បីឲ្យគាត់បង្ហាញខ្លួនឈុតធំឡើងវិញ ក្នុងការប្រកួតបើករដូវកាលដែលធ្វើយ៉ាងណា ដើម្បីលើកទឹកចិត្តគាត់ ឲ្យបន្តកុងត្រាថ្មីជាមួយនឹងក្លឹបឲ្យបាន ប៉ុន្តែប្រសិនបើចាំបាច់ក្លឹបអាចលក់កីឡាកររូបនេះក្នុងតម្លៃប្រមាណជា២២លានផោន៕ ប្រែសម្រួល៖ស៊ុនលី
