The TalkSPORT ចេញផ្សាយ នៅថ្ងៃនេះបានឲ្យដឹងថា ដោយសារតែបង្ហាញសមត្ថភាព យ៉ាងអស្ចារ្យក្រោយផ្ទេរ មកចូលរួមជាមួយនឹងក្លឹប Wolves បានមួយរដូវកាលកន្លងមកនេះ កីឡាករ Matheus Nunes កំពុងទាក់ចិត្តក្លឹបធំៗជាច្រើន ។
ក្នុងចំណោមនោះ ក្លឹបហង្សក្រហម Liverpool បានបញ្ជាក់អំពីចំណាប់អារម្មណ៍ របស់ខ្លួនយ៉ាងខ្លាំង ជាមួយនឹងកីឡាករខ្សែបម្រើរូបនេះ ជាពិសេសនៅពេល ដែលរដូវក្តៅឈានចូលមកដល់ ដោយសារតែក្តីសង្ឃឹមថានឹងចរចានាំយក Bellingham ហាក់ដូចជាកាន់តែខ្សត់ខ្សោយទៅហើយនោះ។
Nunes មិនត្រឹមតែមានទំរង់លេងល្អនោះទេ ហើយមានតម្លៃធូរថ្លៃជាង Bellingham ទៀតឬត្រឹមតែ៦០លានផោនប៉ុណ្ណោះ។
ទោះបីជាយ៉ាងណាក្តីកីឡាករប៉ទុយហ្គាល់រូបនេះ នឹងអាចមានវត្តមាននៅ Anfield ក្នុងពេលដែលក្លឹបនេះមានវត្តមានរបស់កីឡាករឆ្នើមៗដូចជា Chamberlain, Melo និង Keita រួចទៅហើយ ៕
ប្រែសម្រួល៖ស៊ុនលី
