អ្នកចាត់ការក្លឹបបិសាចក្រហម Erik Ten Hag បាននិយាយការពារកូនក្រុម កីឡាករ Wout Weghorst ទាក់ទងនឹងទម្រង់លេងរបស់កីឡាករនាពេលថ្មីៗនេះ។
លោក Ten Hag និយាយថា ពេលដែលមាន Weghorst មកជួយ ក្លឹប Man Utd មានភាពជោគជ័យច្រើន។ លោកបន្ថែមទៀតថា លោកសប្បាយចិត្តនឹង Weghorst ព្រោះកីឡាកររូបនេះបានធ្វើបានយ៉ាងល្អក្នុងការជួយក្រុម។
Weghorst បានមកចូលរួមជាមួយ Man Utd កាលពីខែមករាកន្លងទៅ ក្នុងនាមជាកីឡាករខ្ចីជើងពី Burnley។ គិតមកដល់ពេលនេះ កីឡាកររូបនេះលេងឲ្យក្លឹបសរុបបាន ១៩ ប្រកួត និងស៊ុតចូល ២គ្រាប់។
មតិជាច្រើនក្នុងមជ្ឈដ្ឋានបាល់ទាត់ត្រូវបានលើកឡើងទាក់ទិននឹងទម្រង់លេងរបស់ Weghorst នៅបិសាចក្រហម។ អ្នកខ្លះទិតៀន Weghorst ថាលេងជាខ្សែប្រយុទ្ធមិនបានល្អ ដោយមិនសូវពូកែស៊ុត ឬស៊ុតខុសគោលដៅច្រើន។ ចំណែកអ្នកខ្លះទៀតសរសើរ Weghorst ព្រោះកីឡាកររូបនេះពូកែលេងដាក់សម្ពាធទៅលើក្រុមគូប្រកួត ហើយពូកែចុះជួយការពារ និងពូកែដណ្ដើមបាល់ពេលដែលបាត់បង់ត្រលប់មកវិញ៕
