The Goal ចេញផ្សាយនៅថ្ងៃនេះបានឲ្យដឹងថាក្លឹបបិសាចក្រហម Man UTD ទោះបីជាមិនបានប្រកាសជាផ្លូវការនៅឡើយក្តីចំពោះការដោះដូរកីឡាករចំណូលថ្មីម្នាក់នោះប៉ុន្តែបាននឹងកំពុងស្វែងរកកន្លែងស្នាក់នៅសម្រាប់គាត់រួចទៅហើយ។
ក្នុងពេលដែលកំពុងលេចឬដំណឹងកាន់តែច្បាស់ថាកីឡាករខ្សែការពារឆ្នើមកូរ៉េខាងត្បូង Kim Min Jae នឹងអាចសម្រេចចិត្តផ្ទេរទៅចូលរួមជាមួយនឹងក្លឹបបិសាចក្រហម Man UTD ក្នុងតម្លៃខ្លួនដល់ទៅ៥៦លានផោននោះគេសង្កេតឃើញថាក្រុមការងាររបស់ក្លឹបកំពុងស្វែងរកជួលឬទិញកន្លែងស្នាក់នៅមួយកន្លែងផង។
គួរឲ្យដឹងដែរថាកីឡាករខ្សែការពាររូបនេះទើបតែបានបង្ហាញខ្លួនបានមួយរដូវកាលសម្រាប់ Napoli ប៉ុណ្ណោះប៉ុន្តែបានសាងកេរ្ត៍ឈ្មោះយ៉ាងខ្លាំងនៅទីនេះដោយអាចជួយឲ្យក្លឹបអាចលើកពានរង្វាន់លីគកំពូលអ៊ីតាលីជាលើកដំបូងក្រោយខកខានអស់រយៈពេលជាច្រើនទសវត្ស៕ ប្រែសម្រួល៖ស៊ុនលី
