ភ្នំពេញ ៖ ខេមរសហព័ន្ធតេក្វាន់ដូ ប្រកាសរៀបចំការប្រកួតកីឡាតេក្វាន់ដូ WT ដែលមានរហ័សនាមថា “ Korean Ambassador’s Cup Taekwondo Competition 2023” នឹងប្រព្រឹត្តទៅចាប់ពីថ្ងៃទី១៤ ខែមិថុនា ឆ្នាំ២០២៣ នៅសាលតេក្វាន់ដូ ប៊ូយ៉ុង-ខ្មែរ ក្នុងពហុកីឡដ្ឋានជាតិអូឡាំពិក ។
ការប្រកួតធ្វើឡើង ក្រោមការសហការ រវាងខេមរសហព័ន្ធតេក្វាន់ដូ និងស្ថានទូតសាធារណរដ្ឋកូរ៉េ ដើម្បីជំរុញការអភិឌ្ឍន វិស័យកីឡាតេក្វាន់ដូ WT នៅទូទាំងប្រទេសកម្ពុជា ជាពិសេសផ្តោតទៅលើកីឡាករ-កីឡាការិនីវ័យក្មេងជំនាន់ ក្រោយក្លាយជាអត្តពលិក ឆ្នើមរបស់កម្ពុជា ។
សម្រាប់ការ ប្រកួតឆ្នាំនេះ ខេមរសហព័ន្ធ តេក្វាន់ដូ បានដាក់ ១៦ វិញ្ញាសា ក្នុងនោះវិញ្ញាសាមេគុន បុរស-នារីមានចំនួន ៨ និងវិញ្ញាសា Speed Kciks ចំនួន ៨ វិញ្ញាសា ។ វិញ្ញាសាមេគុនឯកត្តជនបុរស-នារី មានចំនួន ៨ រួមមានអាយុក្រោម ១០ ឆ្នាំ អាយុ ១០ ដល់ ១៤ ឆ្នាំ និងអាយុ ១៤ ដល់ ១៧ ឆ្នាំ ។
ចំណែកវិញ្ញាសា Speed Kciks ចំនួន ៨ វិញ្ញាសា រួមមានអាយុក្រោម ៨ ឆ្នាំ អាយុ ១០ ១២ ឆ្នាំ និង១៤ ឆ្នាំ ៕
