អភិបាលក្រុង ៖ ទីក្រុងប៉ារីស កំពុងបានរៀបចំផ្លូវ ដំណើរឆ្ពោះទៅរកកីឡា អូឡាំពិកឆ្នាំ ២០២៤រួចហើយ

ប៉ារីស ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ទីក្រុងប៉ារីសរៀបចំរួចជាស្រាប់ និងថវិកាសម្រាប់ព្រឹត្តិការណ៍ ការប្រកួតកីឡាអូឡាំពិកឆ្នាំ ២០២៤ ខណៈអភិបាលក្រុង បាននិយាយកាលពីថ្ងៃអង្គារ ដោយច្រានចោលការព្រួយបារម្ភ ដែលបានបង្ហាញដោយមន្ត្រី ជាន់ខ្ពស់អូឡាំពិកថ្មីៗនេះ ។

អភិបាលក្រុង Anne Hidalgo បានប្រាប់ស្ថានីយវិទ្យុ France Inter ។ France Inter ថា ក្រឡេកមើល ព្រឹត្តិការណ៍កីឡាអូឡាំពិក និងប៉ារ៉ាឡាំពិកមុនៗ ទាំងអស់ ជុំវិញពិភពលោក មួយឆ្នាំមុនការប្រកួត ជាទូទៅវាមានភាពតានតឹង ហើយមនុស្សកំពុងនិយាយថា យើងនឹងមិនអាចគ្រប់គ្រងវាបានទេ យើងមានថវិកា ហើយយើងទាន់ពេល ។

ក្នុងអំឡុងដំណើរទស្សនកិច្ច ទៅកាន់ទីក្រុងប៉ារីស កាលពីថ្ងៃចន្ទ មន្ត្រីគណៈកម្មាធិការអូឡាំពិកអន្តរជាតិ (IOC) លោក Pierre-Olivier Beckers ទទួលបន្ទុកត្រួតពិនិត្យការ ប្រកួតនៅទីក្រុងប៉ារីស បានសម្តែងការព្រួយបារម្ភអំពីការងារ ដែលត្រូវការដើម្បីធ្វើឲ្យមានតុល្យ ភាពថវិកា ។ អាជ្ញាធរបារាំង បានច្រានចោលនូវទឹកប្រាក់ ចំនួន ១១៩ លានដុល្លារផ្សេងទៀត កាលពីខែធ្នូឆ្នាំមុន ដើម្បីគិតគូរពីអតិផរណា ដោយយកថវិកាសរុបដល់ទៅ ៤.៤៨ ពាន់លានអឺរ៉ូ ។

ការពន្យារពេលក្នុងការ ចុះហត្ថលេខាលើកិច្ចព្រមព្រៀង ឧបត្ថម្ភធំ រួមទាំងជាមួយក្រុមហ៊ុនយក្សរបស់បារាំង LVMH ក៏បានបន្សល់ទុកនូវសំណួរ សំខាន់មួយអំពីហិរញ្ញវត្ថុ នៃព្រឹត្តិការណ៍នេះ ។ លោក Beckers បានប្រាប់អ្នកយកព័ត៌មានថា នៅមានការងារជាច្រើនដែលត្រូវធ្វើ ។
របាយការណ៍បណ្ដោះអាសន្ន ពីសវនករជាតិបារាំងដែលលាតត្រដាង ដោយកាសែត Le Monde កាលពីថ្ងៃច័ន្ទ បាននិយាយថា ភាពមិនប្រាកដប្រជាដ៏ច្រើន នៅតែមាន ជាពិសេសសម្រាប់ភាពជាដៃគូក្នុងស្រុក ។ ការប្រកួតក៏បានជាប់គាំង ជាបន្តបន្ទាប់ជុំវិញតម្លៃសំបុត្រ ជាមួយនឹងការចំណាយខ្ពស់ ក្នុងការចូលរួមព្រឹត្តិការណ៍ជាច្រើន នាំឲ្យមានការរិះគន់អ្នករៀបចំ ចំពេលមានវិបត្តិថ្លៃដើម រស់នៅក្នុងប្រទេសបារាំង ៕