អតីតកីឡាករខ្សែប្រយុទ្ធ Joselu ដែលមិនសូវមានទំរង់លេងល្អសោះជាមួយនឹងក្លឹប Newcastle និង Stoke និងបច្ចុប្បន្នកំពុងលេងឲ្យក្លឹប Espanyol ត្រូវបានគេជឿជាក់ថានឹងអាចកែប្រែវាសនាខ្លួនឯងសាជាថ្មីតាមរយៈការចរចាជាមួយនឹងក្លឹប Real Madrid ។
កីឡាករ Joselu រូបនេះបានបង្ហាញទំរង់លេងរបស់ខ្លួនឲ្យក្លឹបអេស្បាញ Espanyol បានយ៉ាងអស្ចារ្យជាមួយនឹងគ្រាប់បាល់ដល់ទៅ១៦ កាលពីរដូវកាលកន្លងមកនេះទោះបីជាក្លឹបនេះ បានធ្លាក់ចេញពីលីគកំពូលអេស្បាញ ទៅហើយក្តី។
ក្លឹបយក្សអេស្បាញ Real Madrid ដែលបានបាត់បង់កីឡាករខ្សែប្រយុទ្ធ Karim Benzema នោះកំពុងចរចាជាមួយនឹង Espanyol ដើម្បីអាចធ្វើការដោះដូរកីឡាកររូពនេះ ឲ្យបាននៅរដូវក្តៅនេះក្រោយបរាជ័យជាមួយនឹងការកីឡាករ Harry Kane និងកីឡាករ Kylian Mbappe៕ ប្រែសម្រួល៖ស៊ុនលី
