The Goal ជឿជាក់ថា អាវលេខ៧របស់ក្លឹបបិសាចក្រហម Man UTD ដែលនៅទំនេរជាយូរមកហើយនោះទំនងជាអាចត្រូវផ្តល់ទៅឲ្យកីឡាករអាហ្សង់ទីន វ័យក្មេង Alejandro Garnacho ហើយនៅរដូវកាលក្រោយ។
កន្លងមកកីឡាករពាក់អាវលេខ៧របស់ Man UTD ទទួលបានភាពល្បីល្បាញមានច្រើនដូចជាកីឡាករ Cristiano Ronaldoកីឡាករ Georgo Best កីឡាករ Bryan Robson និងកីឡាករ David Beckham ជាដើម។
ប៉ុន្តែទោះបីជាយ៉ាងណាក្តីលេខ៧របស់ក្លឹបកន្លងមក ក៏មានកីឡាករដែលមិនសូវ ទទួលបានលទ្ធផលល្អផងដែរដែលវាគឺជាក្តីបារម្ភមួយទៀតថា កីឡាករ Garnacho នឹងបំពេញការងារនេះបានដោយរបៀបណា។
កីឡាករលេខ៧ដែលមិនសូវលេងបានល្អក្នុងតំណែងនេះមានដូចជា Michael Owen និងកីឡាករ Alexis Sanchezជាដើម៕ ប្រែសម្រួល៖ស៊ុនលី
