The Goal ចេញផ្សាយនៅថ្ងៃនេះបានឲ្យដឹងថា កីឡាករ Cesc Fabregasដែលមានវ័យ៣៦ឆ្នាំនោះបានប្រកាសហើយក្នុងការព្យួរស្បែកជើង បន្ទាប់ពីបានបង្ហាញសមត្ថភាពជាមួយនឹងក្លឹបធំៗនៅអឺរ៉ុប អស់រយៈពេលជាច្រើនឆ្នាំកន្លងមកនេះ។
ប្រភពដដែលបានបញ្ជាក់ទៀតថា អតីតកីឡាកររបស់ក្លឹប Arsenal និង Chelsea រូបនេះក៏នឹងប្រកាសក្នុងការចាប់អាជីពជាគ្រូបង្វឹកផងដែរជាមួយនឹងក្លឹប Como ដែលជាក្លឹបលេងនៅលីគ Serie Bនិងជាក្លឹបដែលគាត់បានលេងឲ្យកាលពីរដូវកាលមុនផងដែរ។
ទោះបីជាយ៉ាងណាក្តីលោក Fabregas នឹងទទួលបានត្រឹមតំណែងជាគ្រូបង្វឹកឈុត B និងឈុតយុវជនរបស់ក្លឹបប៉ុណ្ណោះនៅដំណាក់កាលដំបូងនេះ។
គូរឲ្យដឹងដែរថា អតីតកីឡាករជម្រើសជាតិអេស្បាញ រូបនេះបានបង្ហាញខ្លួនយ៉ាងអស្ចារ្យក្នុងអំឡុងពេលឡើងដល់ចំណុចកំពូលនៃអាជីពដូចជាការលើកពាន FA Cup, La Liga, Copa del Rey និង Club World Cupជាដើមផង៕ប្រែសម្រួល៖ស៊ុនលី
