ភ្នំពេញ ៖ ក្រុមកីឡាករ-កីឡាការិនីខេត្តកំពង់ស្ពឺ ដណ្តើមបានមេដាយច្រើនជាងគេ ក្នុងចំណោមខេត្ត ទំាង១២ ចូលរួមព្រឹត្តិការណ៍ ការប្រកួតកីឡាសិស្ស មធ្យមសិក្សាថ្នាក់ជាតិ ឆ្នាំ២០២៣ ប្រភេទកីឡាតេក្វាន់ -ដូ ITF ប្រចាំឆ្នាំ ២០២៣ នៅរៀបចំដោយក្រសួង អប់រំ យុវជន និងកីឡា សហការជាមួយ សហព័ន្ធកីឡាតេក្វាន់ដូ ITF កម្ពុជា នាថ្ងៃនៅទី១០ ខែកក្កដា ឆ្នាំ២០២៣ លោកទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា អនុប្រធានសហព័ន្ធកីឡាតេក្វាន់-ដូ អន្តរជាតិ និង ជាប្រធានសហ ព័ន្ធកីឡាតេក្វាន់-ដូ ITF កម្ពុជា បានអញ្ជើញចូលរួមពិធីបិទព្រឹត្តិការណ៍ ការប្រកួតកីឡាសិស្សមធ្យម សិក្សាថ្នាក់ជាតិ ឆ្នាំ២០២៣ ។
លោក បួនហ៊ីង សុធីយ៉ា អគ្គលេខាធិការ របស់សហព័ន្ធកីឡាតេក្វាន់ដូ ITF កម្ពុជា បានមានប្រសាសន៍ថា ព្រឹត្តិការណ៍ការប្រកួតកីឡា សិស្សមធ្យម សិក្សាថ្នាក់ជាតិ ឆ្នាំ២០២៣ បានប្រព្រឹត្តចាប់ពីថ្ងៃទី ៦ ដល់ថ្ងៃទី១០ ខែកញ្ញា ឆ្នាំ២០២៣ ក្នុងពហុកីឡដ្ឋានជាតិអូឡាំពិក។ ការប្រកួតនេះដើម្បីជំរុញ និងអភិវឌ្ឍកីឡាតេក្វាន់-ដូ ITF ដើម្បីជ្រើសរើសកីឡាករ-កីឡាការិនី មកពីគ្រប់បណ្តាលខេត្ត ។
ខេត្តកំពង់ស្ពឺ ដណ្តើមបានមេដាយមាស ៥ គ្រឿង ប្រាក់ ២ គ្រឿង និងសំរិទ្ធ ១ គ្រឿង ខេត្តស្ទឹងត្រែងដណ្តើមបានមេដាយមាស ២ គ្រឿង ប្រាក់ ២ គ្រឿង និងសំរិទ្ធ ១ គ្រឿង ខេត្តកោះកុងដណ្តើមបានមេដាយមាស ២ គ្រឿង ប្រាក់ ១ គ្រឿង និងសំរិទ្ធ ២ គ្រឿង និងខេត្តតាកែវដណ្តើមបានមេដាយមាស ១ គ្រឿង ប្រាក់ ១ គ្រឿង និងសំរិទ្ធ ២ គ្រឿង ។
ចំណែកខេត្តកណ្តាលដណ្តើមបានមេដាយមាស ១ គ្រឿង ប្រាក់ ១ គ្រឿង និងសំរិទ្ធ ១ គ្រឿង ខេត្តបន្ទាយមានជ័យដណ្តើមបានមេដាយមាស ១ គ្រឿង និងប្រាក់ ១ គ្រឿង ប៉ៃលិនដណ្តើមបានមេដាយ ប្រាក់ ៣ គ្រឿង និងសំរិទ្ធ ៥ គ្រឿង និងខេត្តត្បូងឃ្មុំដណ្តើមបានមេដាយសំរិទ្ធ ៣ គ្រឿង៕
