ទីបំផុតក្រោយបានបង្ហាញខ្លួន ឲ្យលីគកំពូលអឺរ៉ុបអស់រយៈពេលជាច្រើនឆ្នាំ មកហយនោះកីឡាករ ខ្សែបម្រើអ៊ីតាលី Marco Verratti បានសម្រេចចិត្តផ្ទេរ ទៅលេងនៅលីកអារ៉ាប់ហើយ ។
យោងតាមការចេញផ្សាយរបស់ The Goal បានឲ្យដឹងថា កីឡាកររូបនេះបានផ្ទេរ ទៅចូលរួមជាមួយនឹងក្លឹប Al Arabi ក្នុងតម្លៃខ្លួនដល់ទៅ ៤៥លានផោន បន្ទាប់ពីបានចំណាយពេល ជាងមួយទសវត្សជាមួយនឹង PSG។
ក្នុងវ័យ៣០ឆ្នាំកីឡាកររូបនេះ ធ្លាប់លេងឲ្យក្លឹប Pescara ចំនួន២ រដូវកាលមុនពេលផ្ទេរ មកចូលរួមជាមួយនឹងង PSG និងបានបន្តរស់នៅជាមួយនឹង PSG តាំងតែពីឆ្នាំ២០១២រហូតមក ។
គួរឲ្យដឹងដែរថា មុនពេលសម្រេច ចិត្តផ្ទេរមកលេងនៅកាតានេះកីឡាកររូបនេះ ក៏ធ្លាប់ត្រូវបានក្លឹបជាច្រើន នៅអឺរ៉ុបទាក់ទងផងដែរ ដូចជាក្លឹប Chelsea និងក្លឹប Man City ជាដើម ៕
ប្រែសម្រួល៖ស៊ុនលី
