កីឡាករខ្សែការពារមាឌតូចចិត្តធំ របស់ក្លឹប បិសាចក្រហម Man UTD សញ្ជាតិអាហ្សង់ទីន Lisandro Martinez ត្រូវបាន The Goal អះអាងថា នឹងអាចសម្រាកព្យាបាល របួសរហូត ដល់ឆ្នាំក្រោយ។
ប្រភពដដែល បានឲ្យដឹងទៀតថា នេះគឺជាការសម្រាកព្យាបាលរបួស ដែលបណ្តាលមកពីការវះកាត់សាច់ដុំ ជាលើកទី២ ហើយរបស់កីឡាកររូបនេះ ហើយតាមការអះអាងដំបូង ដោយក្រុមគ្រូពេទ្យ Martinez អាចនឹងត្រូវការពេលវេលា ដល់ទៅ៣ ខែដើម្បីព្យាបាលរបួស ។
របួសរបស់គាត់បានកើតឡើង នៅពេល ដែលបានត្រឡប់ ពីការប្រកួតបើករដូវកាលវិញ ហើយចូលរួមប្រកួតប៉ះនឹងក្រុម Arsenal ដោយលទ្ធផលចាញ់៣ទល់នឹង១ និងចាប់ផ្តើមមានភាពឈឺ ចាប់តាំងតែពីពេលនោះ។
ទោះបីជាបានបង្ហាញខ្លួនក្នុង ការប្រកួតប៉ះនឹងក្រុម Brighton និង Bayern Munich ក្តីប៉ុន្តែកីឡាករមិនអាចលាក់ បានរបួសនេះតទៅទៀតដែរហើយចាំ បាច់ត្រូវតែធ្វើការវះ គាត់ជាដាច់ខាត៕
ប្រែសម្រួល៖ស៊ុនលី
