The Goal ចេញផ្សាយនៅថ្ងៃនេះ បានឲ្យដឹងថា ភ្នាក់ងារកីឡាករ Roony Bardghji កំពុងមានភាព មមាញឹកយ៉ាងខ្លាំង ក្នុងការចរចាជាមួយ នឹងក្លឹបជាច្រើននៅអង់គ្លេស ដើម្បីអាចផ្ទេរកីឡាកររូបនេះពី Copenhagen ទៅអង់គ្លេស ។
ក្រៅពីនោះក៏មានក្លឹបធំៗ នៅអឺរ៉ុបផ្សេងទៀត បានបង្ហាញ ចំណាប់អារម្មណ៍ ជាមួយនឹងកីឡាកររូបនេះផងដែរ ក្រោយការបង្ហាញខ្លួនយ៉ាង អស្ចារ្យក្នុងការប្រកួតជាមួយនឹង Man UTD និងថែមទាំងបានស៊ុតគ្រាប់ជ័យជំនះផង កាលពីដើមខែកន្លងមកក្នុងវគ្គជម្រុះ តាមពូលពាន Champions League។
គេជឿជាក់ថាក្លឹប Crystal Palace, Chelsea និង Newcastle ជាដើមបានដាក់ពាក្យស្នើសុំ ជួបចរចាជាមួយនឹងភ្នាក់ងារកីឡាកររូបនេះ រួចទៅហើយបន្ថែមពីលើក្លឹបយក្សអេស្បាញ Barcelona និងក្លឹប Nice ផងដែរ៕
ប្រែសម្រួល៖ស៊ុនលី
