ខ្សែការពារ William Saliba ជាខ្សែការពារ ដែលមានតម្លៃខ្លួនខ្ពស់ជាងគេបំផុត នៅលើពិភពលោក ។ បើយោងតាមស្ថិតិរបស់ Transfermarkt កាលពីពេលថ្មីៗនេះ ។
នៅក្នុងខណៈនេះ Saliba មានតម្លៃខ្លួន ៨០លានអ៊ឺរ៉ូ ដោយគេទើបឡើងតម្លៃខ្លួន ១០លានអ៊ឺរ៉ូក្រោយទីផ្សារកីឡាករបានធ្វើបច្ចុប្បន្នភាពទីផ្សារកាលពីពេលថ្មីៗនេះ ។
កីឡាករនេះមានវ័យ២២ឆ្នាំហើយ ដោយចូលលេងឲ្យ Arsenal ចាប់ពីឆ្នាំ២០១៩មក ក្នុងតម្លៃខ្លួនត្រឹម២២.៥លានអ៊ឺរ៉ូប៉ុណ្ណោះ ។
ខ្សែការពារដែលមានតម្លៃខ្លួន ប្រហែលនឹង Sliba នៅក្នុងពេលនេះគឺ ខ្សែការពារ Ruben Dias ដែលមានតម្លៃ ៨០លានអ៊ឺរ៉ូដូចគ្នា ដោយកីឡាករនេះមិនមានការប្រែប្រួលតម្លៃខ្លួន ក្នុងពេលបច្ចុប្បន្នភាពតម្លៃខ្លួន កីឡាករកាលពីពេលថ្មីៗនេះទេ៕
