ខ្សែប្រយុទ្ធ Olivier Giroud បានធ្វើការចាកចេញពីក្លឹប AC Milan ផ្លាស់ទៅកាន់ក្លឹប Los Angeles (LAFC) ដែលជាក្លឹបនៅក្នុងលីគកំពូលអាមេរិក MLS កាលពីពេលថ្មីៗនេះ។ បើយោងតាមការចុះផ្សាយ របស់ក្លឹបអាមេរិកនេះផ្ទាល់។
![](https://lookingtoday.com/wp-content/uploads/2024/05/6645f844ad06b_1715861520_medium.jpg)
Giroud នឹងទៅលេងឲ្យ LAFC នៅក្នុងកំឡុងពេលឈប់ សម្រាករដូវក្ដៅនៅអាមេរិក ចាប់ពីថ្ងៃទី១៨ ខែកក្កដា ឆ្នាំ២០២៤តទៅតែម្ដង ដោយមានកុងត្រា រហូតដល់ចប់ឆ្នាំ២០២៥ ជាមួយនឹងលក្ខខ័ណ្ឌអាចបន្តកុងត្រា រហូតដល់ចប់ឆ្នាំ២០២៦។
តាមពិតទៅមានសារព័ត៌មានធំៗ ជាច្រើនដូចជា Fabrizio Romano និង Goal ជាដើមថា LAFC បានធ្វើការចរចាយក Giroud បានតាំងពីខែមេសា ឆ្នាំ២០២៤កន្លងទៅនេះ គ្រាន់តែពេលនេះក្លឹបនេះ ទើបធ្វើការប្រកាសជាផ្លូវការព្រោះតែកីឡាករនេះចាប់អារម្មណ៍ ចង់ផ្លាស់ទៅកាន់ MLS រហូតមក។
![](https://lookingtoday.com/wp-content/uploads/2024/05/6645fcb7b9e92_1715862660_medium.jpeg)
Giroud មានវ័យកាន់តែចាស់ ហើយដោយនៅក្នុងពេលនេះ កីឡាករនេះមានវ័យ ៣៧ឆ្នាំទៅហើយដោយមានបទពិសោធន៍លេងក្នុងក្រុមឈុតធំដោយក្លឹបនានាចាប់ឆ្នាំ២០០៥មក ដោយចូលលេងបាន ៦៩២ប្រកួត និងស៊ុតចូល ២៨៣គ្រាប់។
កីឡាករនេះធ្លាប់លេងឲ្យក្លឹបធំៗដូចជា ក្លឹប Arsenal ក្លឹប Chelsea និងក្លឹប AC Milan នេះ ។ កីឡាករនេះធ្លាប់ឈ្នះពានតូចធំដូចជា UEFA Champions League និងពាន FIFA World Cup ជាមួយក្រុមជម្រើសជាតិបារាំង៕
![](https://lookingtoday.com/wp-content/uploads/2024/05/6645fcb89649f_1715862660_medium.jpg)
![](https://lookingtoday.com/wp-content/uploads/2020/08/1-2.png)