ហ្សឺណែវ ៖ FIFA ចង់ឲ្យសហព័ន្ធជាតិទាំង ២១១ កំណត់ការបំពានការរើសអើង ជាតិសាសន៍ ក្នុងបាល់ទាត់ ជាបទល្មើសវិន័យ ហើយកំណត់កាយវិការ ដៃឆ្លាស់គ្នា ដោយជនរងគ្រោះ ដើម្បីបង្ហាញពីការ រំលោភបំពាន ដែលពួកគេទទួលបាន ។
ស្ថាប័នបាល់ទាត់ពិភពលោក បានរៀបរាប់លម្អិត អំពីវិធីសាស្រ្តដ៏តឹងរ៉ឹង និងបង្រួបបង្រួម ដែលខ្លួនចង់ដោះស្រាយ ការរើសអើងជាតិ សាសន៍ កាលពីថ្ងៃព្រហស្បតិ៍ បន្ទាប់ពីការពិគ្រោះ យោបល់ជាច្រើនខែ ជាមួយកីឡាករ រងគ្រោះ រួមទាំងកីឡាករឆ្នើម Real Madrid កីឡាករ Vinícius Júnior ។
កាយវិការដៃឆ្លងត្រូវបានធ្វើឡើង នៅលើវេទិកា មេដាយនៅព្រឹត្តិការណ៍កីឡាអូឡាំពិក ទីក្រុងតូក្យូក្នុងឆ្នាំ ២០២១ ដោយអត្តពលិកអាមេរិក Raven Saunders បានឈ្នះមេដាយប្រាក់ ក្នុងការដណ្តើមគ្នា នៃការប្រកួតនារី។ កីឡាការិនី Saunders បាននិយាយនៅទីក្រុងតូក្យូថា វាជាចំណុចប្រសព្វ នៃកន្លែងដែលមនុស្សទាំងអស់ ត្រូវបានគៀបសង្កត់ជួបគ្នា ។
FIFA កំពុងលើកទឹកចិត្តអ្នកលេង ឲ្យចម្លងកាយវិការ ដែលនាំឲ្យ កីឡាការិនី Saunders ប្រឈមមុខនឹងការស៊ើបអង្កេត វិន័យដោយគណៈកម្មាធិការអូឡាំពិកអន្តរជាតិ មានច្បាប់ហាមប្រាមការថ្លែង នយោបាយក្នុងពិធីមេដាយ ។
ក្រុមដែលអ្នកគាំទ្រ ឬអ្នកលេងបំពាន លើគូប្រជែងអាចប្រឈមមុខ នឹងការពិន័យផ្នែកវិន័យ ក្នុងពេលឆាប់ៗនេះ ដូចជាការ បោះបង់ ការប្រកួត ជាធម្មតាការចាញ់ ៣-០ ជាផ្នែកមួយនៃការសន្យា៥ចំណុចលើការដោះស្រាយ ការរើសអើង ។ ពួកគេនឹងត្រូវដាក់ ឲ្យសហព័ន្ធសមាជិក FIFA នៅថ្ងៃសុក្រក្នុងកិច្ចប្រជុំប្រចាំឆ្នាំ របស់ពួកគេនៅទីក្រុង បាងកក។
ប្រធាន FIFA លោក Gianni Infantino បានសន្យា កាលពីខែមុនថានឹងធ្វើសំណើទូទាំងពិភពលោក ហើយបានពិគ្រោះ ជាមួយកីឡាករ បាល់ទាត់ប្រេស៊ីល Vinicius Junior មានសម្បុរខ្មៅ ហើយត្រូវបានអ្នកគាំទ្រ ធ្វើបាបម្តងហើយម្តងទៀត នៅកីឡដ្ឋានអេស្ប៉ាញ ។
លោកបានស្រក់ទឹកភ្នែកនៅសន្និសិទ សារព័ត៌មានមួយកាលពីខែមីនា មុនពេលអេស្ប៉ាញ ធ្វើជាម្ចាស់ ផ្ទះប្រទេសប្រេស៊ីល ក្នុងការប្រកួតមិត្តភាព ត្រូវបានរៀបចំឡើង ដោយមានការធ្លាក់ចេញ ពីការរំលោភបំពាន ជាបន្តបន្ទាប់ ដែលលោក បានជួបប្រទះ នៅក្នុងផ្ទះរបស់លោក ។
FIFA បាននិយាយ ក្នុងលិខិតមួយផ្ញើ ទៅសហព័ន្ធជាសមាជិកថា ដល់ពេលហើយសម្រាប់បាល់ទាត់ ដើម្បីរួបរួមគ្នា ដើម្បីប្តេជ្ញា ជាសហគមន៍សកលលោក ដើម្បីដោះស្រាយបញ្ហានៃការរើសអើងពូជសាសន៍ក្នុងការប្រកួតនេះ ។ FIFA ក៏ចង់បង្កើតក្រុមកីឡាករនឹងត្រួតពិនិត្យ និងផ្តល់យោបល់លើការអនុវត្ត សកម្មភាពទាំងនេះ ជុំវិញពិភពលោក ។
បាល់ទាត់បានតស៊ូអស់រយៈពេលជាងមួយទសវត្សរ៍ ដើម្បីដោះស្រាយការរើសអើងជាតិសាសន៍ ក្នុងពហុកីឡដ្ឋាន ដោយយល់ព្រម និង សម្របសម្រួលការឆ្លើយតបនៅលើទីលាន ដោយមន្ត្រីនៃការប្រកួត និងវិធានការវិន័យ ក្រោយការប្រកួតដោយសហព័ន្ធ និង អ្នករៀបចំការប្រកួត ។
មេដឹកនាំបាល់ទាត់ ក្នុងប្រទេសដូចជាអ៊ីតាលី និងអេស្ប៉ាញបានបដិសេធ ជាប្រចាំថាកីឡានេះ មានបញ្ហារើសអើងជាតិសាសន៍។ ក្នុងករណីខ្លះ ការស៊ើបអង្កេតត្រូវបានទម្លាក់ចោលដោយអាជ្ញាធរបាល់ទាត់ រួមទាំង UEFA ដោយសារតែមិនមានភស្តុតាងលើសពីការអះអាងរបស់កីឡាករដែលចោទប្រកាន់ពីបទរំលោភបំពាន។
កីឡាករស្បែកខ្មៅដែលអះអាងថា ពួកគេត្រូវបានបំពានលើពូជ សាសន៍ដោយគូប្រជែង ឬអ្នកគាំទ្រ ហើយព្យាយាម ចាកចេញពីទីលាននោះ ខ្លួនគេត្រូវបាន ពិន័យកាតលឿង សម្រាប់សកម្មភាពរបស់ពួកគេ ។ FIFA ចង់ឲ្យកាយវិការ ដៃឆ្លាស់គ្នា ជាសញ្ញាទទួលស្គាល់សម្រាប់អាជ្ញាកណ្តាល ដើម្បីចាប់ផ្តើមដំណើរការ ៣ ជំហានដែលមាន រយៈពេលយូរ ក្នុងការប្រកួតមានការបំពានពូជសាសន៍ និងការរើសអើង ត្រូវបានឮ ដើម្បីផ្អាកការលេង និងការផ្សាយការព្រមាន ក្នុងកីឡដ្ឋាន ដើម្បីដកក្រុមចេញពីទីលាន ។
FIFA បាននិយាយ កាលពីថ្ងៃព្រហស្បតិ៍ថា ដំណើរការបីជំហាន គួរតែជាកាតព្វកិច្ចនៅទូទាំង ២០១១ សហព័ន្ធ។ ដំបូងឡើយ កីឡាការិនី Saunders មានបញ្ហាជាមួយ IOC ក្នុងការបង្កើតកាយវិការ ដែលជាសេចក្តីថ្លែងការណ៍ ដ៏ទូលំទូលាយមួយ ដើម្បីអបអរភាពចម្រុះ ។ ការស៊ើបអង្កេតរបស់ IOC ត្រូវបានផ្អាកប៉ុន្មាន ថ្ងៃក្រោយមក បន្ទាប់ពីម្តាយរបស់កីឡាការិនី Saunders បានស្លាប់ ៕
