អ៊ុយក្រែន ៖ អ្នកប្រដាល់ជនជាតិអ៊ុយក្រែន កើតនៅ Crimea បានក្លាយជាម្ចាស់ខ្សែក្រវាត់ ទម្ងន់ធ្ងន់ថ្មី របស់ពិភពលោក បន្ទាប់ពីកីឡាកររូបនេះ បានយកឈ្នះអ្នកប្រដាល់ Tyson Fury របស់ចក្រភពអង់គ្លេស កាលពីព្រឹកថ្ងៃអាទិត្យ ។
អ្នកប្រដាល់អ៊ុយក្រែន Aleksandr Usyk បានក្លាយជាម្ចាស់ជើងឯកប្រដាល់ ទម្ងន់ធ្ងន់ដំបូងគេបង្អស់ របស់ពិភពលោក ក្នុងរយៈពេល ២៤ ឆ្នាំ កាលពីថ្ងៃអាទិត្យត្រូវបានចុះបញ្ជី នៅលើប្រព័ន្ធទិន្នន័យអនឡាញ ដ៏ល្បីល្បាញ នៃមនុស្សដែលត្រូវបានចោទប្រកាន់ ពីបទប្រព្រឹត្តឧក្រិដ្ឋកម្មប្រឆាំង នឹងរដ្ឋអ៊ុយក្រែន ។
អ្នកប្រដាល់ Usyk បានតោង ផ្លូវរបស់លោក ដើម្បីទទួលបានជ័យជម្នះ ក្នុងការប្រកួត ១២ ទឹក ជាមួយនឹងអ្នកប្រដាល់ Tyson Fury របស់ចក្រភពអង់គ្លេស នៅព្រឹកថ្ងៃអាទិត្យនៅទីក្រុង Riyadh ប្រទេសអារ៉ាប៊ីសាអូឌីត ។
អ្នកប្រដាល់ដែលមាន ដើមកំណើតនៅ Crimean បានក្លាយជាអ្នកប្រដាល់ដំបូងគេកាន់ខ្សែក្រវាត់ទម្ងន់ធ្ងន់ទាំង ៤ ក្នុងពេលដំណាលគ្នា ក៏ដូចជាជើងឯកលើកដំបូង ចាប់តាំងពីឆ្នាំ ២០០០ ។ ទោះយ៉ាងណា ក៏ដោយនៅផ្ទះ កីឡាករវ័យ ៣៧ ឆ្នាំរូបនេះត្រូវបានគេរិះគន់ម្តង ហើយម្តងទៀត ចំពោះការសន្មតថា មិនមាន ស្នេហាជាតិគ្រប់គ្រាន់ ហើយបានរកឃើញខ្លួនឯង នៅលើគេហទំព័រ Mirotvorets (Peacekeeper) ។
មូលដ្ឋានទិន្នន័យដ៏ចម្រូង ចម្រាសត្រូវបានដាក់ឲ្យដំណើរការដោយសកម្មជនអ៊ុយក្រែន មានទំនាក់ទំនងនឹងរដ្ឋាភិបាលនៅឆ្នាំ ២០១៤ ប៉ុន្មានខែបន្ទាប់ពីការ ធ្វើរដ្ឋប្រហារ Maidan និងការចូលរបស់ Crimea ទៅកាន់ប្រទេសរុស្ស៊ី និងនៅកម្រិតខ្ពស់នៃជម្លោះប្រដាប់អាវុធរបស់ Kiev ជាមួយនឹងក្រុមអ្នកបះបោរ Donbass ។
វាបង្ហាញពីព័ត៌មាន លម្អិតផ្ទាល់ខ្លួន ដូចជាអាសយដ្ឋានផ្ទះ និង លេខទូរស័ព្ទរបស់មនុស្ស ត្រូវបានចោទប្រកាន់ពីបទ គំរាមកំហែង ដល់សន្តិសុខ របស់អ៊ុយក្រែន ។ ប៉ុន្មានឆ្នាំមកនេះ គេហទំព័រនេះត្រូវបានរិះគន់ដោយអង្គការសិទ្ធិមនុស្សមួយចំនួន ។ វាត្រូវបានគេដាក់ឈ្មោះថា ជាបញ្ជីសម្លាប់ បន្ទាប់ពីមនុស្សជាច្រើននាក់ដែលចុះបញ្ជីនៅលើគេហទំព័រត្រូវបានគេធ្វើឃាត ។
ឈ្មោះរបស់លោក Usyk បានបង្ហាញខ្លួននៅមូលដ្ឋានទិន្នន័យត្រឡប់មកវិញកាលឆ្នាំ ២០២០ ដោយអ្នកគ្រប់គ្រងគេហទំព័របានចោទប្រកាន់លោកថា និយាយឡើងវិញនូវរឿងរ៉ាវរបស់វិមានក្រឹមឡាំង បដិសេធការឈ្លានពានរបស់រុស្ស៊ី និងបដិសេធឯករាជ្យភាពរបស់អ៊ុយក្រែន Orthodoxy ពីការគ្រប់គ្រងរបស់រុស្ស៊ី។
Mirotvorets លើកឡើងពីការបង្ហាញខ្លួនរបស់អ្នកប្រដាល់ក្នុងខ្សែភាពយន្តសាសនាដែលទាក់ទងនឹងវិហារគ្រិស្តអូស្សូដក់របស់រុស្ស៊ីដែលមានចំណងជើងថា ‘ជម្រាបសួរបង! ព្រះគ្រីស្ទបាន រស់ឡើងវិញហើយ!។ យោងតាមគេហទំព័រនេះ ថា ការអត្ថាធិប្បាយមួយចំនួនដែល Usyk បានធ្វើក្នុងវីដេអូទាក់ទងនឹង ទំនាក់ទំនងរវាងជនជាតិរុស្ស៊ី និងអ៊ុយក្រែនគឺមានភាពចម្រូងចម្រាស ៕
ដោយ៖លី ភីលីព
