ក្លឹបអាល្លឺម៉ង់ Bayern Munich កំពុងតែរៀបចំនីតិវិធីក្នុងការនាំយកលោក Vincent Kompany ធ្វើជាគ្រូបង្វឹករបស់ខ្លួន ស្របពេលដែល ក្លឹបនេះបានចែកផ្លូវគ្នាជាមួយលោក Thomas Tuchel ដែលដឹកនាំក្លឹបបានមួយឆ្នាំ។ នេះបើតាមការចុះផ្សាយរបស់សារព័ត៌មាន Sky Sports។
![](https://lookingtoday.com/wp-content/uploads/2024/05/664f14dd2ab5e_1716458700_medium.jpg)
លោក Tuchel បានចែកផ្លូវគ្នាជាមួយ Bayern នៅក្នុងឆ្នាំ២០២៤ ក្រោយពីលោកបង្ហាញទម្រង់លេងមិនសូវល្អ។
![](https://lookingtoday.com/wp-content/uploads/2024/05/664f14de74794_1716458700_medium-1.jpg)
បើយោងតាមប្រភពខាងលើ ខាង Bayern និងលោក Kompany បានព្រមព្រៀងផ្ទាល់មាត់ជាមួយគ្នាហើយ ដោយពេលនេះភាគី Bayern កំពុងតែចរចាជាមួយនឹងក្លឹប Burnley ដែលជាក្លឹបអង់គ្លេសនៅលីគលំដាប់ទី២ ដែលលោក Kompany កំពុងតែដឹកនាំ។
![](https://lookingtoday.com/wp-content/uploads/2024/05/664f14de74794_1716458700_medium.jpg)
លោក Kompany បានដឹកនាំក្លឹប Burnley តាំងពីឆ្នាំ២០២២មក។ លោកបានដឹក Burnley ឱ្យឡើងទៅលីគកំពូលអង់គ្លេសកាលពីឆ្នាំ២០២៣ ជាមួយនឹង ១០១ពិន្ទុ។ ប៉ុន្តែជាអកុសល នៅឆ្នាំ២០២៤នេះ ក្លឹបរបស់លោកបានធ្លាក់ទៅលីគ Championship ដែលជាលីគទី២របស់អង់គ្លេសវិញ។
![](https://lookingtoday.com/wp-content/uploads/2024/05/664f14debb65e_1716458700_medium.jpg)
Bayern ទំនងជាបង់ប្រាក់មួយចំនួនឱ្យ Burnley ដោយសារតែលោក Kompany ជាប់កិច្ចសន្យាជាមួយក្លឹបនេះរហូតដល់ឆ្នាំ២០២៨ឯណោះ។
![](https://lookingtoday.com/wp-content/uploads/2024/05/664f14df116fc_1716458700_medium.jpg)
សូមជម្រាបផងដែរថា Kompany ធ្លាប់លេងឱ្យ Manchester City កាលពីឆ្នាំ២០០៨ ដល់ឆ្នាំ២០១៩។ ក្រោយពីចេញពី Man City លោកបានទៅលេងនៅក្លឹបបែលហ្សិក Anderlecht ដោយលោកកាន់តួនាទីជាកីឡាករ-អ្នកចាត់ការ។ លោកនៅដឹកក្លឹបនេះដល់ឆ្នាំ២០២២៕
![](https://lookingtoday.com/wp-content/uploads/2020/08/1-2.png)