អាល្លឺម៉ង់៖ក្រុមបាល់ទាត់ជម្រើសជាតិ ព័រទុយហ្គាល់បានយកឈ្នះក្រុមបាល់ទាត់ជម្រើសជាតិ ស្លូវេនី យ៉ាងពិបាកបំផុតនៅវគ្គ ១៦ក្រុមនៃព្រឹត្តិការណ៍ការប្រកួតកីឡាបាល់ទាត់ពានរង្វាន់ជើងឯកអឺរ៉ុបរដូវក្តៅ ២០២៤ “Euro 2024 ” នៅប្រទេសអាល្លឺម៉ង់ កាលយប់ថ្ងៃទី ១ ខែកក្កដា ឆ្នាំ២០២៤។
ក្រុមបាល់ទាត់ជម្រើសជាតិ ព័រទុយហ្គាល់បានចំណាយពេលអស់ ១២០ នាទីក៏មិនអាចបំបែកពងមាន់របស់ក្រុមបាល់ទាត់ជម្រើសជាតិ ស្លូវេនី បានឡើយ ។ គ្រាប់បាល់ដែលជួយឲ្យក្រុមបាល់ទាត់ជម្រើសជាតិ ព័រទុយហ្គាល់បង្ហាញវត្តមាននៅ ៨ ក្រុមនោះ គឺគ្រាប់បាល់ប៉េណាល់ទីដោយ ព័រទុយហ្គាល់បានឈ្នះលើស្លូវេនីក្នុងលទ្ធផល ៣ទល់ ០ ។
ចំណែកក្រុមបាល់ទាត់ជម្រើសជាតិ បារាំងបានយកឈ្នះលើក្រុមបាល់ទាត់ជម្រើសជាតិ បែលហ្សិក ក្នុងលទ្ធផល ១ទល់ ០ នៅវគ្គ ១៦ក្រុម ដូច្នេះក្រុមបាល់ទាត់ជម្រើសជាតិ បារាំងបានដឹកដៃក្រុមបាល់ទាត់ជម្រើសជាតិ ព័រទុយហ្គាល់ឡើងវគ្គបន្តទៀត៕
ដោយ៖លី ភីលីព
