ម៉ាឌ្រីដ៖ ប្រជាជនអេស្ប៉ាញ រាប់ពាន់នាក់នៅទីក្រុងម៉ាឌ្រីដ បានស្វាគមន៍ក្រុមបាល់ទាត់ ជម្រើសជាតិ អេស្ប៉ាញពីថ្ងៃចន្ទ បន្ទាប់ពីពួកគេបានផ្តួល ក្រុមបាល់ទាត់អង់គ្លេស នៅវគ្គផ្តាច់ព្រ័ត្រ ដណ្តើមបានពានរង្វាន់ នៃព្រឹត្តិការណ៍ការ ប្រកួតកីឡាបាល់ទាត់ ពានរង្វាន់ជើងឯក អឺរ៉ុបរដូវក្តៅ ២០២៤ “Euro 2024 ” ។
បន្ទាប់ពីការទទួលស្វាគមន៍ ជាមួយស្តេច Felipe VI និងនាយករដ្ឋមន្ត្រី Pedro Sanchez ទីក្រុង La Roja ត្រូវបានដង្ហែឆ្លងកាត់រដ្ឋធានី នៅលើឡានក្រុងគ្មានដំបូល ដោយក្រុមកីឡាករជម្រើសជាតិ អេស្ប៉ាញឈរពីលើដំបូលឡានក្រុង។
កីឡាករឆ្នើម និងកីឡាករវិរបុរសរួម មានកីឡាករវ័យក្មេង Lamine Yamal និងកីឡាករNico Williams និងក្រុមអ្នកឈ្នះ ការប្រកួតកាលពីថ្ងៃអាទិត្យ នៅទីក្រុងប៊ែកឡាំង លោក Mikel Oyarzabal បានពាក់អាវយឺតពណ៌ស ដែលមានលេខ ៤ នៅលើពួកគេដោយយោង ទៅលើចំនួនកំណត់ត្រា ដែលអេស្ប៉ាញឈ្នះជើងឯកអឺរ៉ុប។
លោក Williams បាននិយាយថា សម្រាប់ពេលនេះ យើងមិនទាន់ដឹងពីអ្វី ដែលយើងបានសម្រេចនៅឡើយទេ។ ខ្សែប្រយុទ្ធរកបានគ្រាប់បាល់ បើកឆាកនៃជ័យជម្នះ ២-១ ក៏ចង់អរគុណអ្នកគាំទ្ររបស់អេស្ប៉ាញ “សម្រាប់ក្ដីស្រឡាញ់ និងភាពកក់ក្តៅដែលពួកគេបាននាំមកក្រុម”។
ឡានក្រុងរបស់ក្រុមបានដឹកពួកគេទៅកាន់ Plaza Cibeles នៅកណ្តាលទីក្រុងម៉ាឌ្រីដ ជាកន្លែងដែលអ្នកគាំទ្រ រាប់ពាន់នាក់ទៀត រង់ចាំ ដើម្បីអបអរភាពជោគជ័យ បន្ទាប់ពីទទួលបានជ័យជម្នះក្នុងឆ្នាំ ១៩៦៤ , ២០០៨ និង ២០១២៕
