សករាជរបស់លោក Lionel Scaloni អាចថា ជាសម័យកាលមួយ ដ៏ជោគជ័យរបស់អាហ្សង់ទីន ដោយក្នុងសម័យកាលនេះអាហ្សង់ទីន ក្រសោបបានពានរង្វាន់ធំៗជាច្រើនក្នុងនោះមានដូចជា World Cup , Copa America និង Finalissima 2022 ។
ក្នុងចំណោមការដឹកនាំរបស់លោក Lionel Scaloni មកដល់បច្ចុប្បន្នវាមានរយៈពេលជិត៦ឆ្នាំទៅហើយ បើសិនឈានចូលដល់ថ្ងៃទី៣ ខែសីហា ឆ្នាំ២០២៤វាមានរយៈពេល៦ឆ្នាំគត់ ហើយក្នុងរយៈពេលនេះលោកបានដឹកនាំក្រុមជម្រើសជាតិអាហ្សង់ទីនឲ្យឈ្នះពានធំៗទាំងអស់នៃពានរង្វាន់ដែលក្រុមជម្រើសជាតិអាហ្សង់ទីនបានចូលរួមដូចបានរៀបរាប់ខាងលើ។ ចំណែកការបរាជ័យវិញពិតជាមានតិចមែនទែនគឺមានតែពីរប្រកួតប៉ុណ្ណោះក្នុងរយៈពេល៥ឆ្នាំចុងក្រោយ ហើយពីរប្រកួតដែលចាញ់នោះគឺចាញ់ អ៊ុយរុយហ្គាយ កាលឆ្នាំ២០២៣ និងចាញ់ អារ៉ាប៊ីសាអ៊ូឌីត កាល២០២២ ក្នុងពានរង្វាន់ World Cup កាលវគ្គជម្រុះក្នុងពូល។
ដូច្នេះការដឹកនាំរបស់លោក Lionel Scaloni សរុបមាន៖
-៧៧ប្រកួត
-ឈ្នះ៥៩
-ស្មើ១២
-ចាញ់ ៦ (ក្នុងចំណោម៥ឆ្នាំចុងក្រោយចាញ់តែ២ប្រកួតប៉ុណ្ណោះ)
-គ្រងជើងឯក
-Copa America 2021
-Copa America 2021
-CONMEBOL–UEFA Cup of Champions 2022
-World Cup 2022
-Copa America 2024
-ជាប់កំណត់ត្រាមិនចាញ់សោះ៣៦ប្រកួតជាប់គ្នា
-លេខ ១ នៅ FIFA ranking
សូមបញ្ជាក់ថា កុងត្រារបស់លោក Lionel Scaloni មានសុពលភាពរហូតដល់ផុត World Cup 2026 ដែលនឹងធ្វើឡើងនៅ USA ៕
