ប៉ារីស ៖ ស្ថាប័នគ្រប់គ្រងពិភពលោក នៃកីឡាទឹកបានបង្ហាញ កាលពីថ្ងៃអង្គារឲ្យដឹងថា ក្រុមកីឡាករ-កីឡាការិនីហែលទឹកមកពីប្រទេសចិន គឺជាអត្តពលិក ដែលត្រូវបានធ្វើតេស្តរកសារធាតុហាមឃាត ក្នុងកីឡាច្រើនជាងគេ មុនព្រឹត្តិការណ៍ការ ប្រកួតកីឡាអូឡាំពិកទីក្រុងប៉ារីស នៅប្រទេសបារាំង ចាប់ផ្តើមជាផ្លូវការនៅថ្ងៃទី ២៦ ខែសីហា ឆ្នាំ២០២៤ ខាងមុខនេះ ។
សេចក្តីប្រកាសព័ត៌មាន របស់ស្ថាប័នគ្រប់គ្រងពិភពលោកនៃកីឡាទឹកចំនួន ៦ ថា កម្មវិធីធ្វើតេស្តដែលត្រូវបានធ្វើឡើង និងអនុវត្តដោយទីភ្នាក់ងារ ធ្វើតេស្តអន្តរជាតិ (ITA) រួមបញ្ចូលនូវការធ្វើតេស្តជាច្រើនដែលធ្វើឡើងទាំងមុនការប្រកួត និងការប្រកួតហើយ ។
សរុបមក ការធ្វើតេស្តសារធាតុហាមឃាតក្នុងកីឡាចំនួន ២,១៤៥ ត្រូវបានធ្វើឡើង ដោយស្ថាប័នគ្រប់គ្រងពិភពលោក នៃកីឡាទឹកលើអត្តពលិក ដែលចូលរួមក្នុងការប្រកួតកីឡាអូឡាំពិកនៅទីក្រុងប៉ារីស ចាប់តាំងពីថ្ងៃទី ១ ខែមករា ឆ្នាំ ២០២៤មកម្ល៉ោះ។
រួមទាំងការធ្វើតេស្តធ្វើឡើង ដោយអង្គការសារធាតុហាមឃាតក្នុងកីឡាផ្សេងទៀត សម្រាប់អត្តពលិកហែលទឹក ដែលប្រកួតប្រជែងនៅទីក្រុងប៉ារីសត្រូវបានធ្វើតេស្តជាមធ្យមចំនួន ៣ទៅ ៤ដង ជាមួយនឹងចំនួនសរុប ៤,៧៧៤ ដង ។ នេះគឺជាការសាកល្បងច្រើនបំផុត មិនធ្លាប់មានដោយស្ថាប័នគ្រប់គ្រងពិភពលោក នៃកីឡាទឹកមុនពេលការប្រកួតកីឡាអូឡាំពិក។
ស្ថាប័នគ្រប់គ្រងពិភពលោកនៃកីឡាទឹកបានសង្កត់ធ្ងន់ថា ក្រុមកីឡាករ-កីឡាការិនីហែលទឹកចិនត្រូវបានធ្វើតេស្តច្រើនបំផុតក្នុងអំឡុងពេលនេះ ដោយសារកីឡាករ-កីឡាការិនីហែលទឹក ៣១ នាក់មកពីប្រទេសចិនត្រូវធ្វើការប្រកួតប្រជែងនៅទីក្រុងប៉ារីស ម្នាក់ៗត្រូវបានធ្វើតេស្តយ៉ាងហោចណាស់ ១០ ដងដោយស្ថាប័នគ្រប់គ្រងពិភពលោកនៃកីឡាទឹកជាមួយនឹងការធ្វើតេស្តជាមធ្យម ១៣ ដងក្នុងមួយម្នាក់ ។
ស្ថាប័នគ្រប់គ្រងពិភពលោក នៃកីឡាទឹកបានធ្វើការធ្វើតេស្តសរុបចំនួន ៤១៨ តាមរយៈកម្មវិធីនេះ។ កីឡាករ-កីឡាការិនីហែលទឹកចិន ទាំងអស់ត្រូវបានធ្វើតេស្តចប់ការប្រកួតយ៉ាងហោចណាស់ ៨ ដោយឯករាជ្យពីអង្គការ សារធាតុហាមឃាតក្នុងកីឡាផ្សេងទៀត និងប្រើប្រាស់មន្ទីរពិសោធន៍ ដែលទទួលស្គាល់ដោយ WADA មានមូលដ្ឋាននៅអឺរ៉ុប ៕
