អ្នកចាំទី Ederson បានព្រមព្រៀងផ្លាស់ទៅកាន់ក្លឹប Al Ittihad ក្របខ័ណ្ឌលីគកំពូលអារ៉ាប៊ីសាអ៊ូឌីត។ នេះបើយោងតាមការចុះផ្សាយរបស់អ្នកកាសែត Fabrizio Romano ។
កីឡាករនេះបានយល់ព្រមនឹងសំណើផ្លាស់ទៅហើយប៉ុន្តែភាគីខាងក្លឹបទាំងពីររវាង Manchester City និង Al Ittihad មិនទាន់ត្រូវរ៉ូវតម្លៃគ្នា។
ខាង Man City បានដាក់ថ្លៃដាច់ត្រឹម ៥០-៦០លានអ៊ឺរ៉ូ ទើបព្រមឲ្យអ្នកចាំទីនេះព្រមទៅអារ៉ាប៊ីសាអ៊ូឌីតនេះ។
យ៉ាងណាខាងភាគីក្លឹប Man City ទំនងជាឲ្យកីឡាករនេះរូបនេះផ្លាស់ទៅកាន់ក្លឹបថ្មីខាងលើនេះហើយ។
លោក Pep Guardiola អ្នកចាត់ការក្លឹប Man City បានលើកឡើងពីបញ្ហាខាងលើ អ្វីៗនៅពេលនេះគឺសម្រេចទៅលើ Ederson ទេបើជាក់ស្ដែងគឺលោកចង់ឲ្យកីឡាករនេះបន្តនៅ។
Ederson បានមកលេងឲ្យ Man City តាំងពីឆ្នាំ២០១៧មក ដោយចូលលេងឲ្យ Man City បាន ៣៣២ប្រកួត។ កីឡាករនេះមានកុងត្រារហូតទៅដល់ឆ្នាំ២០២៦ជាមួយ Man City៕
