ប៉ារីស ៖ តុលាការកំពូល របស់កីឡាបាននិយាយកាលពីថ្ងៃព្រហស្បតិ៍ថា ការប្តេជ្ញាចិត្ត របស់ប្រទេសរុស្ស៊ី ដើម្បីតំណែងយកមេដាយមាស លើវិញ្ញាសាកីឡាជិះស្គីលើទឹកកក ជាក្រុមក្នុងព្រឹត្តិការណ៍កីឡាអូឡាំពិកទីក្រុងប៉េកាំងឆ្នាំ ២០២២ មកវិញត្រូវបានបរាជ័យទំាងស្រុង តាមការចេញផ្សាយពីគេហទំព័រ Japan Today ។
ជនជាតិរុស្ស៊ីបានប្តឹងឧទ្ធរណ៍ប្រឆាំង នឹងការសម្រេចចិត្តដកហូតមាស ដែលពួកគេបានឈ្នះភាគច្រើន ដោយសារពិន្ទុដោយកីឡាការិនី Kamila Valieva អាយុ ១៥ ឆ្នាំ ឥឡូវនេះនាងត្រូវជាប់បម្រាមរយៈពេល ៤ ឆ្នាំ ក្រោយពីរកឃើញថា នាងបានប្រើសារធាតុហាមឃាត់ក្នុងកីឡា ។
រុស្សីទទួលបានមេដាយមាស បន្ទាប់ពីកីឡាការិនី Valieva បានក្លាយជាស្ត្រីដំបូងគេ ដែលលោតឡើងលើបាន ៤ ដង នៃព្រឹត្តិការណ៍កីឡាអូឡាំពិក ទីក្រុងប៉េកាំងឆ្នាំ ២០២២ ។ នៅថ្ងៃបន្ទាប់នាងត្រូវបានគេប្រាប់ថា នាងបានធ្វើតេស្តវិជ្ជមាន មុនពេលការប្រកួតសម្រាប់ថ្នាំ Trimetazidine ជាប្រភេទថ្នាំជំនួយបេះដូង ។ គណៈកម្មការសម្រេចដកហូតមេដាយមាស ពីក្រុមអត្តពលិកជិះស្គីរុស្ស៊ីជាផ្លូវការ។
គណៈកម្មាធិការ អូឡាំពិក របស់រុស្ស៊ីបាននិយាយថា ខ្លួនមានការខកចិត្តជាខ្លាំង ចំពោះសេចក្តីសម្រេចរបស់ CAS ប៉ុន្តែបានបន្ថែមថា គ្មានការបំភាន់ ណាមួយ អំពីលទ្ធផលនៃករណីនេះ ក៏ដូចជាករណីនៃបណ្តឹង ឬបណ្តឹងឧទ្ធរណ៍ផ្សេងទៀត ដែលប្តឹងពីភាគីរុស្ស៊ីក្នុងរយៈពេលជិត ៣ ឆ្នាំចុងក្រោយនេះ៕
